Rıdder qalasynyń №1 mektep-lıseıinde «Rýhanı Jańǵyrý» jalpyulttyq ıdeıasynyń «Otanym-taǵdyrym» - «Daryndy urpaq – el bolashaǵy» negizgi baǵyttaǵy jobasyn, «Tárbıe jáne bilim» kishi baǵdarlamasyn júzege asyrý sheńberinde «Kóshbasshy bolǵyń kele me? Qalaı ekendigin menen sura» atty shara ótkizildi.
«Elbasynyń «Bolashaqqa baǵdar: rýhanı jańǵyrý» atty maqalasy jastarǵa rýhanı jol kórsetetin naqty baǵdar, olarǵa zor múmkindikter týǵyzatyn, jańa belesterdi baǵyndyrýǵa baǵyttalǵan is-qımyl jospary», - dedi sharanyń ashylý saltanatynda sóz alǵan Rıdder qalasy Ishki saıasat bóliminiń basshysy Anar Dúkenbaeva. «Kóshbasshy mektebi» jobasynyń jetekshisi Tamara Alekseeva shara oqýshylardyń boıynda ózin-ózi basqarý men ózin-ózi tanytýǵa degen qyzyǵýshylyǵyn qalyptastyrý, áleýmettik jobalaýdy júzege asyrý aıasynda kóshbasshylyq, topta jumys isteý daǵdylaryn damytý men jetildirý, qazaqstandyq otansúıgishtikke, rýhanı-adamgershilik negizderine, toleranttyqqa tárbıeleý maqsatynda uıymdastyrylǵanyn aıtady. «Baǵdarlamaǵa «Sheshendik sheberlik negizderi», «Toptyq jumys» jáne «Kreatıvti oılaý» atty úsh sheberlik synyby kirdi. Lıseı oqýshylary men «Kóshbasshy mektebi» jobasynyń qatysýshylary daıyndap, ótkizgen «Satylym ýaqyty» iskerlik oıyny men «О́z oıym bar» pikir almasý alańynda mektep oqýshylary óz bilimderin tájirıbe barysynda kórsete aldy», deıdi ol.
Azamat QASYM,
«Egemen Qazaqstan»
Shyǵys Qazaqstan oblysy, Rıdder qalasy