Picodi.com saıtynyń sarapshylary álemniń 52 eliniń eń tómengi jalaqysyn jáne azyq-túlik ónimderiniń baǵasyn salystyrdy.
Dástúr boıynsha jyldyń basynda Qazaqstanda ǵana emes, basqa memleketterde de eń tómengi jalaqy mólsheri ósedi. Árıne, bul tizimge Skandınavııa túbegi elder men Italııa, Avstrııa, Sıngapýr sııaqty elder kirmeıdi. Qazaqstan BUU-nyń eń tómengi jalaqyny belgileý týraly konvensııasyn ratıfıkasııalamaǵanyna qaramastan, bul kórsetkish ómir súrý deńgeıin baǵalaýdyń basty faktorlarynyń biri bolyp qala beredi. Azyq-túlik ónimderiniń negizgi qajettilikterin óteý úshin qansha qarajat kerek?
Negizgi azyq-túlik ónimderiniń baǵasy
Zertteý úshin adamnyń kómir sý, aqýyz jáne mıneraldy qajettilikterin qanaǵattandyratyn 8 negizgi ónimge toqtaldyq. Bul ónimderdiń naryqtaǵy baǵasyn halyqaralyq uıymdar baqylaıdy.
Picodi.com esepteýinshe, azyq-túlik ónim salynǵan sebettiń mınımým baǵasy - 20914 teńge.
Sút (10 l.) — 2694 teńge
Nan (10 bólke) — 913 teńge
Kúrish (1,5 kg) — 394 teńge
Jumyrtqa (20 dana) — 570 teńge
Syr (1 kg) — 1875 teńge
Qus jáne sıyr eti (6 kg) — 9466 teńge
Jemis-jıdek (6 kg) — 3055 teńge
Kókónis (8 kg) — 1947 teńge
2019 jyldyń 1 qańtarynan bastap Qazaqstandaǵy eń tómengi jalaqy – 42 500 teńge (salyqtardy qospaǵanda 37253,40 teńge). Tańdalǵan ónimderdiń ortasha baǵasyn nazarǵa ala otyryp eseptegende, shyǵyndar «qolǵa» alynǵan eń tómengi jalaqynyń 56,1% - yn quraıdy. Osylaısha, Qazaqstan biz taldap otyrǵan 52 eldiń 48-ine jaıǵasty.
Eń tómengi jalaqy men azyq-túlikke jumsalatyn shyǵyndardyń eń az salmaqty araqatynasyn biz Avstralııada, Irlandııada jáne Ulybrıtanııada dep eseptedik. Onda eń az jalaqy alatyn qyzmetker negizgi azyq-túlikke shamamen 7% jumsaıdy.
Bul reıtıngte Taıland, Úndistan, Fılıppın elderi Qazaqstannan tómen boldy. Statıstıka boıynsha Nıgerııada eń qarapaıym shyǵyndar 45$, ıaǵnı eń az jalaqydan eki ese artyq.
Atalǵan zertteý jumysy Eýropa, Azııa, Soltústik jáne Ońtústik Amerıka, Afrıka, Avstralııadaǵy 52 eldiń mınıstrlikteri men ınstıtýttarynda zerdelengen jáne ınternet-basylymdarda jazylǵan málimetterge súıenip jasaldy. Grekııada 2013 jyldan beri eń tómengi jalaqy mólsheri múlde ózgermegen. Zertteýdegi azyq-túlik baǵamy numbeo.com saıtyndaǵy derekterden alyndy. Jalpy esebin shyǵarýda dollardyń 2018 jyly jeltoqsan aıyndaǵy ortasha baǵamy qoldanyldy.