Grýzııa astanasy Tbılısıdiń soltústigindegi kóp páterli úılerdiń birinde gaz jarylyp, tórt adam kóz jumdy. Premer-mınıstr Mamýka Bahtadze 17 qańtardy qaraly kún dep jarııalady.
Jarylysta kúıik shalǵan tórt jasar qyz aýrýhanada jan tapsyrǵan.
Polısııa qurylys nemese nysandy paıdalaný kezinde qaýipsizdik erejeleriniń eki ne odan da kóp adamnyń ólimine ákep soqtyrǵan buzylýy týraly bappen qylmystyq is qozǵaǵan.
El prezıdenti Salome Zýrabıshvılı jarylystan zardap shekkenderge kómek kórsetilip jatqan aýrýhanaǵa bardy. «Qaıtys bolǵandardyń otbasylaryna kóńil aıtamyn. Bul asa úlken apat», - dep málimdedi ol.
«Barlyq memlekettik mekemelerde jáne eldiń shetelderdegi dıplomatııalyq ókildikterinde memlekettik tý tómen túsiriledi». Bul týraly Grýzııa úkimetiniń baspasóz qyzmeti habarlady.