Mańǵystaý oblysy boıynsha ekologııa departamenti janynda óziniń analıtıkalyq zerthanasy bar. Ol barlyq tıisti qural-jabdyqtarmen tolyqtaı qamtamasyz etilgen, sonymen qosa Gazel bazasynda jabdyqtalǵan jyljymaly zerthana bar. Zerthana aýadan, topyraqtan, teńiz jáne aqaba sýlardan synama jáne radıasııalyq ólshemder júrgize alady, tıisti akkredıtatsııadan ótken.
Departament josparyna sáıkes zerthana mamandary oblysymyzda ornalasqan zııandy oshaqtarǵa jáne iri óndiris aımaqtarynda monıtorıng jumystaryn júrgizedi.
Departamenttiń zerthana mamandarymen 2018 jyly 4 437 synamalar alynǵan. Sonymen qatar, basqarmanyń basty jańalyǵy - 2018 jyly analıtıkalyq zerthananyń ujymynyń arqasynda ILAC - MRA zerthanalyq qosarly belgini qoldaný quqyǵyna ıe boldy. (ILAC - Mejdýnarodnaıa Assosıasııa po akkredıtasıı laboratorıı (InternationalLaboratory Accreditation Cooperation).
ILAC zerthanasynyń akredıtteý boıynsha halyqaralyq uıymy 1977 jyly qurylǵan jáne 58 memlekettiń 70 mekemesinen turady. ILAC - MRA zerthanalyq qosarly belgisi álem boıynsha ILAC - MRA kelisimine qatysýshy elderdegi synaý jáne kalıbrlik zerthanalardyń nátıjelerin moıyndaýǵa arnalǵan.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy