Avstralııada ótip jatqan «Týr Daýn Ander» kópkúndiginiń úshinshi kezeńi óz máresine jetti. Aıtýly báseke 146,2 shaqyrymdyq qashyqtyqty quraǵan Lobetal men Iýreıdl aımaqtary boıynsha ótti.
Bul tartys «BORA-hansgroht» klýbynyń múshesi Peter Sagannyń jeńisimen aıaqtaldy. Álemniń úsh dúrkin chempıony, Eýropa birinshiliginiń jeńimpazy degen dardaı ataǵy bar Slovakııanyń sańlaǵy osy qashyqtyqty 3 saǵat 46 mınýt 06 sekýndta júrip ótti. «Astananyń» sapynda óner kórsetip júrgen ıspandyq veloshabandoz Lýıs Leon Sanches ekinshi oryndy ıelense, OAR-dyń ókili Derıl Impı márege úshinshi bolyp jetti.
Artta qalǵan úsh kezeńniń nátıjesi boıynsha Jańa Zelandııanyń sportshysy Patrık Bıvın áli eshkimge jetkizbeı keledi. Onyń ýaqyty – 10 saǵat 20 mınýt 09 sekýnd. Ekinshi orynda – Peter Sagan. Al kúlli qazaqstandyq jankúıerler úmit artyp otyrǵan Lýıs Leon Sanches úshinshi satyǵa turaqtady. Ol kósh basyndaǵy veloshabandozdan 9 sekýnd qalyp keledi.
Ǵalym SÚLEIMEN,
«Egemen Qazaqstan»