О́ńirdegi asa kúrdeli «Qoshqar-Ata» qaldyq qoımasynan shyǵatyn ýytty qaldyqtardyń shańytýyn báseńdetý maqsatynda qaldyq qoımasyna jyl saıyn Aqtaýdyń kárizdik tazartý qondyrǵysynan shyqqan 8-8,5 mln m3 sý aıdalyp keledi.
Onyń ońtústik jáne ońtústik-batys betinde 2015-2017 jyldary 8,2 ga jasyl qorǵanysh beldeýi ósirilse, odan keıin, 2017-2019 jyldary 30 ga ýchastokke jasyl beldeý ósirile bastady. 2018-2020 jyldar aralyǵynda taǵy da 50 ga ýchastokte jasyl qorǵanysh beldeýi quryla bastady. Barlyǵy 88,2 ga – 100%, sonyń 2018 j – 50% oryndaldy, 2019 j – 30%, 2020 j – 20% oryndalady dep kútilýde. Qaldyq qoımasynyń el qonystanǵan jıekteri jasyl qorǵanysh beldeýimen tolyq qorshalyp shyqqanǵa deıin jumys jalǵasa beredi.
Sondaı-aq, Mańǵystaý oblysy Tabıǵı resýrstar jáne tabıǵat paıdalanýdy retteý basqarmasynyń basshysy Dúısen Qusbekovtiń aıtýynsha, Mańǵystaýda aýaǵa shyǵarylatyn zııandy zattardyń normatıvteri 14,8 myń tonnaǵa azaıǵan.
- Oblysta atmosferalyq aýanyń tazalyǵyn jaqsartý úshin ekologııalyq sharalar alynyp keledi. 2017 jyly memlekettik ekologııalyq saraptama men ekologııalyq ruqsat berý satysynda aýaǵa shyǵarylatyn zııandy zattardyń normatıvteri 14,8 myń tonnaǵa azaıdy, 2018 jyly da tendensııa saqtaldy. Jyldan-jylǵa ýytty qaldyqtardyń atmosferaǵa shyǵaryndylary azaıýda, - deıdi basqarma basshysy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy