KEŃEITILGEN JINALYSQA DAIYNDYQ

“Nur Otan” halyqtyq-demokratııalyq partııasynyń Parlament Májilisindegi fraksııasy tóralqasynyń kezekti otyrysy Májilis Tóraǵasy Oral Muhamedjanovtyń basshylyǵymen ótti. Otyrysta “Qazaqstan Respýb­lı­kasynyń Prezıdenti N.Na­zar­baevtyń 2010 jylǵy 29 qań­tar­daǵy “Jańa onjyldyq – jańa eko­nomıkalyq órleý – Qazaq­stan­nyń jańa múmkindikteri” atty Qazaq­stan halqyna Jol­daý­yn­da júk­tel­gen mindetter tur­ǵy­synda “2010-2012 jyldarǵa ar­nalǵan respýb­lı­ka­lyq bıýdjet tý­raly” Zańǵa ózge­rister men to­lyq­tyrýlar engizý tý­raly” másele boıynsha fraksııa­nyń keńeı­til­gen jınalysyna daıyndyq máse­lesi talqylandy. Sondaı-aq kún tártibine sáı­kes, tóralqa músheleri Parlament Má­jilisi depýtattary – “Nur Otan” HDP fraksııasy músheleri­niń 2010 jyldyń 5-14 aq­pa­ny aralyǵynda el Prezıdentiniń Joldaýyn tú­sin­dirý boıynsha respýblıka óńir­lerinde atqarǵan jumystarynyń qory­tyndysyn da qarady. Fraksııa tóraǵasynyń oryn­basary Vladımır Nehoroshev al­dyn ala bekitilgen kestege sáıkes, fraksııa músheleri 340-tan asa eldi mekendi aralap, 100 myńnan astam adamdy qamtyǵan 800-deı kezdesý ótkizgenin málim etti. Depýtattardyń halyqpen ótkizgen kezdesýleri “Nur Otan” HDP óńirlik fılıaldarymen ty­ǵyz qarym-qatynasta uıymdas­ty­ryl­dy. Partııanyń qoǵamdyq qabyl­daýynda atqarylatyn jumystarǵa da aıryqsha nazar aýdarylyp, osy kezeń aralyǵynda depýtattar ta­rapynan 1000-nan astam aza­mat­tyń aryz-ótinishteri qaral­ǵany atap kórsetildi. Keıinnen depý­tat­tyq saýaldar arqyly tıisti res­pýblıkalyq qurylymdar deń­geıin­de sheshý úshin birneshe má­se­leler baqylaýǵa alynǵan. Parlament Májilisindegi baspasóz qyzmeti.