Meksıkalyq Saýl Alvares pen amerıkalyq Denıel Djeıkobs arasyndaǵy jekpe-jek 2019 jyldyń kóktemine josparlanǵan.
Qazaqstandyq boksshy Gennadıı Golovkınniń burynǵy qarsylastary – orta salmaqtaǵy Saýl «Kanelo» Alvares pen IBF tıtýlynyń ıegeri Denıel Djeıkobs rıngte kezdesedi. Jetekshi boksshylar arasyndaǵy jekpe-jek 2019 jyldyń 4 mamyryna josparlanǵan.
«Sınko De Maıo (5 mamyr) merekesi qarsańynda bolatyn jekpe-jegim týraly qýana habarlaımyn. О́zimniń jeńimpaz bolatynyma kúmánim joq jáne orta salmaqtaǵy absolıýtti álem chempıony ataǵyna ıe bolýyma bir ǵana qadam qaldy», — dedi Saýl «Kanelo» Alvares.
О́z kezeginde amerıkandyq boksshy Denıel Djeıkobs te bul kezdesýdi kópten kútkenin jetkizip, óziniń jeńimpaz bolatynyna senimdiligin bildirdi.
«Men bul múmkindikti kópten kútken edim. Men árqashan «Kanelony» jeńe alatynymdy bildim jáne 4 mamyr kúni meniń ony dáleldeýge múmkindigim bolady. Tórt jylǵa jýyq «Kanelo» AQSh-tan kelgen úmitkermen jekpe-jekke túsken joq. Munyń aıtýly oqıǵa bolatynyna senimdimin», — dedi Djeıkobs.
Buǵan deıin eki boksshy da rıngte qazaqstandyq Gennadıı Golovkınmen kezdesken bolatyn. 2018 jyldyń qyrkúıek aıyndaǵy jekpe-jekte meksıkalyq Saýl Alvares GGG-ny jeńdi.