Reseıden jetkizilgen sándi, sapaly ári qoljetimdi bas kıimge petropavldyqtardyń suranysy joǵary.
«1000 bórik. RF» kórmesine túlki, qoıan, qarakúzen, ondatr, janat terisinen tigilgen taýarlardyń kóz jaýyn alatyn birneshe túri qoıylǵan. Erekshe dızaınmen jasalyp, áshekeı tastarmen kómkerilgen taýarlar talǵamy bıik tutynýshylardyń nazaryna birden aýdarady.
«Marten» atty novosibirlik fabrıka bórik tigýmen shırek ǵasyrǵa jýyq aınalysady. Tigilýi, sán jaǵynan birin-biri qaıtalamaıtyn erekshe bas kıimder jańa tehnologııalar boıynsha ázirlengen.
«Bórikter men qulaqshyndar «Marten» fabrıkasynda pishilip, tigiledi. Dızaınerlerimiz bas kıim úlgilerin satyp alýshylardyń talǵamyna qaraı ár túrli etip bezendiredi. Qazirgi tańda kanadalyq jáne Sibir qarakúzeni terisinen daıyndalǵan ónimderge suranys kóp. Eń arzan bas kıimniń baǵasy 10 myń teńge bolsa, bulǵyn terisinen jasalǵany qymbatyraq» deıdi kórme jetekshisi Janna Fomenko.
Munda bas kıim jıyntyqtary da satylady. Máselen, pavloposadtyq «Morozko» ónimi bórik, sharf jáne qolǵaptan turady. Atap óterligi, barlyq áshekeı buıymdar qolmen jasalǵan. Kanadalyq qarakúzen terisinen daıyndalǵan bir jıyntyqtyń baǵasy 96 myń 400 teńge turady.
Budan bólek, er azamattardyń da bas kıimderi satylady.
Aıta ketken jón, «1000 bórik.RF» kórmesiniń ókilderi tutynýshylarǵa jańajyldyq tıimdi usynys jasap otyr. Atap aıtqanda, teriden tigilgen eski bas kıimderdi jańasyna aýystyryp alý múmkindikteri qarastyrylǵan. Ol úshin qosymsha tólem jasap, quny 30 myń teńgeden joǵary turatyn bórikti satyp alsa bolǵany.
О́mir ESQALI,
«Egemen Qazaqstan»
Soltústik Qazaqstan oblysy