О́rt sóndirýge 5 tehnıka birligi men 19 qyzmetker jumyldyryldy. Bul týraly Astana qalasy ákimdiginiń resmı saıty habarlady.
Otqa oranǵan úılerdiń biri Kúıshi Dına kóshesinde ornalasqan.
«17 qańtarda saǵat 22:16-da О́rt sóndirý qyzmetiniń ortalyq «101» baılanys pýnktine Kúıshi Dına kóshesindegi úılerdiń birinde órttiń shyqqany týraly habarlama kelip tústi. 5 mınýttan keıin oqıǵa ornyna jetken О́rt sóndirý qyzmeti bólimsheleriniń qyzmetkerleri 5 qabatty turǵyn úıde as úı jıhazy, turmystyq tehnıka jáne tóbeni árleý bólshekteriniń janyp jatqandyǵyn anyqtady», - dep málimdedi Astana qalasy TJD baspasóz qyzmeti.
Kire beris qatty tútindegendikten adamdardy qaýipsiz jerge kóshirý jáne barlaý jumystaryn júrgizý úshin gaz-tútinnen qorǵaý qyzmetiniń býyny uıymdastyryldy.
Janyp jatqan páterden jáne kórshi páterlerden eresekter men balalardy syrtqa shyǵarý sharalary júrgizildi. О́rt sóndirý kezinde 6 adam qutqaryldy. Qutqarylǵandardyń ekeýi – bala. О́rt saǵat 12:38-de aýyzdyqtalyp, saǵat 22:41-de tolyqtaı óshirildi.
Tunshyqtyrǵysh gazdan ýlanǵan 46 jasar er adam №1 qalalyq aýrýhanaǵa jatqyzyldy. Astana qalasy TJD habarlaýynsha, órt turmystyq quraldardaǵy elektr symdarynyń qysqa tuıyqtalýy saldarynan shyqqan. О́rtti sóndirýge barlyǵy 5 tehnıka birligi men 19 qyzmetker jumyldyryldy.