Astanadaǵy №1 qalalyq aýrýhanada ISIS IOM qurylǵysy tanystyryldy. Operasııa kezinde nevrologııalyq asqynýlardy azaıtatyn apparat qalalyq aýrýhanalardyń arasynda tuńǵysh ret qoldanylyp otyr.
Neırofızıologııalyq ıntraoperasııalyq monıtorıng (ISIS IOM) kez kelgen kúrdeli operasııalardy jasaý barysynda, sonyń ishinde parkınson jáne epılepsııa aýrýyna shaldyqqan pasıentterdi emdeýde qaýipsizdikti qamtamasyz etedi.
«Bul tásil arqyly operasııa óte jyldam jáne sátti jasalady. Jaraqaty az. Emdelýshi operasııadan keıin tez qalpyna keledi, aýrýhanada bir kún jatsa jetkilikti» dedi Neırohırýrgııa bóliminiń neırohırýrg-dárigeri Aıgerim Jumadildına.
Búgin jańa qurylǵymen 6 naýqasqa operasııa jasaý josparlanǵan. Atalǵan bólim meńgerýshisi Faızýlla Smaǵulovtyń aıtýynsha, bul apparatpen radıojıilik dermadestrýksııa jasaýǵa bolady. Iаǵnı narkoz berýge bolmaıtyn pasıentterge osy ádispen operasııa jasalady.
Maıgúl SULTAN,
«Egemen Qazaqstan»