Kók týdyń qasıetin uqtyrdy

Elbasymyz Nursultan Nazarbaevtyń taǵylymdyq maqalasy árbir ultjandy qazaqtyń keýdesinde maqtanysh sezimin uıalatyp, rýhyn asqaq­tata túseri anyq. Bul buǵan deıin­gi júzege asyrylyp jat­qan «Bolashaqqa baǵdar: rýhanı jańǵyrý» baǵ­dar­lamalyq maqalasyn maz­mundyq jaǵynan baıytyp, aýqymyn keńeıtýge zor yqpal etpek. Maqaladaǵy baǵ­darly jeti taqyryp ataý­larynyń ózinen-aq ár oqyr­mannyń sana bıiginde Uly dala­nyń jeti keremeti degen aı­shyqty oı da jeti juldyzdaı jana ketedi desem, artyq aıtqandyq bolmas. Biz buryn kim edik, bolashaqta qandaı bolýymyz kerek degen suraqqa tolyq jaýap bolarlyq negiz bar bul maqalada.

Batys­tyń mıftik jadynda kentavr beınesinde jattalǵan baba­larymyzdyń jylqynyń jalyn­da tanylǵan batyrlyq turpaty  táýelsizdigimizdiń arqasynda álemdik deńgeıde dáripteletin múmkinshilikke qol jetkizbek. Ejelgi órke­nıettiń jetistigi sanalatyn temirdiń syryn tapqan da, altynmen aptalǵan saltanatty mádenıetimen adamzatty tań­ǵaldyrǵan da túrki áleminiń besigi bolǵan, Uly Jibek joly arqyly Batys pen Shyǵysty jalǵastyrǵan, al­ma men qyz­ǵal­daqtyń otany Qaza­qstan ekenin urpaqqa ulyǵat et­ken Elbasymyz  kók týdyń qudireti men qasıetin uqtyrdy.

Biz – osyndaı tarıhy bar, osyn­daı amanaty bar halyq­pyz. О́zimizdi ózimiz tanyp bilip, dúnıejúzine uly qundy­lyq­tary­myzdy tanytýǵa tıispiz. Uly dalanyń Elbasy ataǵan jeti qyryn zerttep, zerdeleý arqyly qazaq tiliniń shek­siz baı­lyǵynyń qaıdan shyqqa­nyna da kóz jetkizemiz.

Qudaıberdi MYRZABEK,

aqyn

Kókshetaý