Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Palata prezıdenti, «KATKO» JShS bas dırektory Jerar Frıes bastaǵan «Fransııa–Qazaqstan» saýda-ónerkásiptik palatasynyń ókilderimen kezdesý ótkizdi.
Kezdesý barysynda ınvestısııalar, aýyl sharýashylyǵy, energetıka jáne sıfrlandyrý salalaryndaǵy ekijaqty yntymaqtastyq máseleleri talqylandy. Budan ózge, Qazaqstan–Fransııa qarym-qatynasyn odan ári keńeıtýge qatysty birlesken jumystardyń jospary qaraldy.
Qazaqstan men Fransııa arasyndaǵy taýar aınalymy 2018 jylǵy qańtar–qarasha aralyǵynda $4 mlrd qurady, bul ótken jyldyń sáıkes kezeńindegi kórsetkishten ($3,1 mlrd) 27,3%-ǵa joǵary. Qazaqstannan Fransııaǵa eksport 2018 jylǵy qańtar–qarasha aılarynda 27,7% ósip, $3,4 mlrd qurady.