«Nurly jer» arqyly salynǵan úıler «7-20-25»baǵdarlamasymen satylýy múmkin. Bul týraly Úkimet saǵatynda Ulttyq bank tóraǵasy D.Aqyshev málimdedi.
«Turǵyn úı usynysyn ulǵaıtý úshin Ulttyq bank jergilikti atqarýshy organdardyń «Baspana» kompanııasynyń 150 mlrd teńgege deıin somadaǵy oblıgasııalaryn naryqtyq talaptarmen satyp alýǵa ruqsat berdi. Búginde bul tetikti Shymkent qalasynyń ákimdigi ǵana 10 mlrd teńge mólsherinde paıdalandy. «Baspana» uıymynan qarjylandyrý tartý quqyǵyn basqa ákimderge berý múmkindigin qarastyrý qajet», dedi Danııar Aqyshev.
Sondaı-aq ol baǵdarlamany jandandyrý úshin 2018 jyly jeltoqsanda memlekettik turǵyn úı baǵdarlamalaryna ózgerister engiziletinin aıtty.
«Nurly jer» baǵdarlamasy boıynsha salynǵan úıler Turǵynúıqurylysjınaqbanki arqyly salymshylar men kezekte turǵandarǵa jáne barlyq azamattarǵa «7-20-25» baǵdarlamasy boıynsha ıpotekalyq qaryzdar arqyly satylýy múmkin», dedi Ulttyq bank tóraǵasy.