2018 jyly 2048 jas azamat kásipkerlikpen aınalysa bastady. Bul týraly Úkimet saǵatynda Eńbek jáne xalyqty áleýmettik qorǵaý mınıstri M. Ábilqasymova málimdedi.
«Mıkrokredıt berý sheńberinde ózin-ózi jumyspen qamtyǵandardyń qatarynan 13367 adam jáne 1686 jumyssyz adam kásipkerlikpen aınalysýǵa, sondaı-aq óz qyzmetin zańdastyrýǵa múmkindik aldy. Mıkrokredıtter jastar arasynda da suranysqa ıe. 2018 jyly 2048 jas azamat kásipkerlikpen aınalysa bastady, onyń ishinde 1008 adam start-ap jobalaryna mıkrokredıt aldy», dedi mınıstr.
Sondaı- aq ol kásipkerlikti damytýda áıelderdiń belsendi qatysýyn atap ótti.
«3033 áıel nemese qatysýshylardyń barlyq sanynyń 21% kásibin damytý maqsatynda mıkrokredıt aldy. Onyń ishinde 1849 áıel alǵash ret jeke isin ashty», dedi ol.