«Qazaqtelekom» AQ-y jergilikti fılıalynyń kommersııalyq dırektory Damır Ábdirahmanov BAQ ókilderine «Sıfrlyq Qazaqstan» baǵdarlamasy aıasynda aýyl turǵyndaryn joǵary jyldamdyqty ınternetpen qamtamasyz etýdiń joldaryn baıandap berdi.
Onyń aıtýynsha bul sharalar «Qazaqstannyń aýyldyq eldi mekenderin optıkalyq-talshyqty tehnologııa arqyly keń jolaqty ınternetpen qamtamasyz etý» jobasy aıasynda júzege asyrylatyn bolady.
Búgingi tańda óńirdgi eldi mekenderdiń 82 paıyzy keń jolaqty ınternetpen qamtamasyz etilgen. 666 aýyldyń 147-si “ADSL” modem arqyly ınternetke qosylsa, 116 aýylda talshyqty-optıkalyq baılanys jelisi jumys isteıdi. 400 aýylda symsyz baılanys tehnologııasy qoldanylady.
Endi jańa baǵdarlamanyń arqasynda shalǵaıdaǵy aýyl turǵyndary da sapaly ári jyldamdyǵy joǵary ınternettiń ıgiligin kóretin bolady. «Sıfrlyq Qazaqstan» baǵdarlamasyn óńirimizde júzege asyrý aıasynda eki myń shaqyrym talshyqty-optıkalyq baılanys jelisin tartý josparlanǵan. Nátıjesinde 61 aýyldyq okrýgte ornalasqan 272 memlekettik mekeme keń jolaqty ınternetke qosylady. Bul joba elektrondy saýda-sattyqty jandandyrady. Elektrondy úkimet qyzmetterine, bilim berý men densaýlyq saqtaý salalaryna ınteraktıvti quraldar engiziledi.
«56 memlekettik mekemege talshyqty-optıkalyq baılanys jelisi qosyldy. Oblys mektepterinde keń jolaqty ınternettiń 136 qosý núktesi ornatyldy. Iаǵnı barlyq mektepterdiń 95 prosenti ınternetpen qamtylǵan. 4 Mbıt/sek. jyldamdyqty ǵalamtory bar bilim ordalarynyń sany 86 prosentke jetti», deıdi D. Ábdirahmanov.
«Bultty beınebaqylaý» júıesi kópqabatty úılerge ornatylyp, zamanaýı qurylǵynyń nemese derbes kompıýterdiń kómegimen turǵyndar óz úıiniń kireberisindegi oqıǵalardy baqylaýyna múmkindik alady. Kameralar túngi ýaqytta da sapaly túsire alady. Búgingi kúni Petropavl qalasynda 788 úı atalmysh qyzmetke qosylǵan. Zańdy tulǵalarǵa “Bızneske qaýipsiz onlaın beınebaqylaý” ónimi usynylyp otyr. Bul qyzmet arqyly kásipkerler bıznes nysandaryna qashyqtyqtan onlaın baqylaý júrgize alady.
Bıyl 41 mektep joǵary jyldamdyqty ınternettiń ıgiligin kóre alady. Telemedısına qyzmetin engizý jáne turǵyndardy medısınalyq aqparattyq júıeler qyzmetimen qamtý maqsatynda jyl sońyna deıin barlyq aýdandyq ortalyq aýrýhanalar ǵalamtorǵa qosylady. Sóıtip onlaın saýda, mobıldi bankıng, 3D-prıntıng, densaýlyq saqtaý, bilim berý sııaqty basqa da mańyzdy salalar damýdyń jańa kezeńine qadam basady.
О́mir ESQALI,
«Egemen Qazaqstan»
Soltústik Qazaqstan oblysy