Estý qabyleti nashar balalarǵa arnalǵan oblystyq arnaıy mektep-ınternat janynan qurylǵan «Sensitive» bıshiler ansambli Birikken Arab Ámirlikterinde ótken halyqaralyq bı baıqaýynda bas júldege jáne úsh birinshi orynǵa ıe boldy.
Birikken Arab Ámirlikteri, Úndistan, Túrkııa, Italııa, Reseı, Qyrǵyzstan men Qazaqstannyń ónerli órenderi baq synasqan baıqaýǵa 400-ge jýyq ónerpaz qatysty. Eýropalyq janrdaǵy zamanaýı horeografııa, latynamerıkalyq baǵdarlama men «Tango», «Cha-cha-cha» bılerin usynǵan jerlesterimizdiń ónerine qazylar alqasy eń joǵary baǵa berdi.
«Álemniń ár qıyrynan kil myqtylar jınalǵan aıtýly dodaǵa «Sensitive» bı ujymynyń eresekter toby baq synady. Tórt júzge jýyq ónerpazdyń arasynan top jaryp, sýyrylyp shyǵý ońaı bolmady. El namysyn qorǵap, jeńis tuǵyrynan kóriný úshin barymyzdy saldyq. Bizge qarjylyq qoldaý kórsetken «Nur Otan» partııasy men jergilikti atqarýshy bılikke aıtar alǵysymyz sheksiz» deıdi toptyń kórkemdik jetekshisi Olga Rostovshıkova.
Barsha álemge tanylǵan bı ujymy arnaıy dıplommen marapattalyp, Maldıv aralynda demalýǵa joldama aldy.
Ansambl kóktemde Almaty qalasynda ótetin bı baıqaýyna qatysýdy josparlap otyr.
Ym arqyly bı qımylyn jan-jaqty meńgerip, áýenge laıyqty qoıylymdardy óz kórermenderine joǵary deńgeıde jetkizip júrgen «Sensitive» bıshiler toby 13 jyldyń ishinde osymen 6-shy bas júldeni ıelenip otyr.
О́mir ESQALI,
«Egemen Qazaqstan»
Soltústik Qazaqstan oblysy