Búgin «Táýelsizdik urpaqtary» atty Jastar jylynyń ashylý saltanatynda Prezıdent jastardyń jumyspen qamtý máselesine toqtaldy.
Jastar saıasatyndaǵy negizgi másele – jumyspen qamtý. Statıstıkaǵa súıensek, búginde álem boıynsha 18-30 jas aralyǵyndaǵy 300 mıllıon adamnyń turaqty jumysy joq. Ǵalymdardyń boljaýynsha, 2050 jyly búgingi tańdaǵy mamandyqtardyń 50%-yn jasandy ıntellekt almastyrady. Bul mamandyqtardyń ishine saýdagerler, júrgizýshiler, call ortalyqtyń qyzmetkerleri, zańgerler men ekonomıster kiredi. Al ǵalymdar, top-menedjerleri, mádenıet qaıratkerleri, IT salasynyń mamandaryn jáne joǵary kategorııaly dárigerlerdi jasandy ıntellekt almastyra almaıdy.
Sondaı aq úıden shyqpaı jumys isteýdiń, qashyqtan oqytýdyń artyqshylyqtaryna toqtalyp, ótken ǵasyrǵa tán «jumys» nemese «otbasy» atty dılemmanyń dáýreni aıaqtalǵanyn aıtty.