Shymkentte qala ákimi Ǵabıdolla Ábdirahymov «Qazaqstannyń ekologııalyq uıymdarynyń zańdy tulǵalar birlestigi» basqarmasynyń tóraıymy Aıgýl Solovevamen kezdesip, shahardyń ekologııalyq ahýalyn jaqsartý týraly kelisimge keldi.
Kezdesý barysynda qos tarap yntymaqtastyq týraly memorandýmǵa qol qoıyp, birqatar mindetti birlesip sheshýdi josparlady.
Bul mindetterdiń qatarynda Shymkent qalasynyń qorshaǵan ortasyn jaqsartý boıynsha birlesken keshendi sharalardy júrgizý, tómengi kómirtekti damý qaǵıdattaryn paıdalana otyryp, Shymkenttiń jalpy ekologııalyq jaǵdaıyn jaqsartý strategııasyn ázirleý jaıy sóz boldy.
Sondaı-aq, osy maqsatta suhbat alańyn qurý, Qazaqstannyń «jasyl ekonomıkaǵa» kóshýi jónindegi tujyrymdamasyn iske asyrý boıynsha yntymaqtastyq sharalaryn ótkizýge ýaǵdalasty.
О́z kezeginde shahar basshysy Ábdirahymov birlesken jumys qaladaǵy salamatty ortany saqtaýǵa, ekologııalyq ınfraqurylymdy damytý men ınnovasııalardy jyljytýǵa, qorshaǵan ortanyń lastanýyn tómendetý jónindegi sharalardy ázirleýge baǵyttalatynyn aıtyp ótti.
Nurshat TО́KEN,
«Egemen Qazaqstan»