Memleket basshysy 2019 jyldy Qazaqstandaǵy Jastar jyly dep jarııalady. QR Tuńǵysh Prezıdentiniń Qory janyndaǵy Álemdik ekonomıka jáne saıasat ınstıtýtynyń (ÁESI) Áleýmettik jáne ımıdjdik zertteýler baǵdarlamasynyń basshysy Serik Beısembaev jastar uıymdary men volonterlardy memlekettik qoldaýdy damytýdyń mańyzdylyǵy týraly sarapshylyq pikirimen bólisti. Bul týraly Premer-Mınıstrdiń baspasóz qyzmeti habarlady.
Sarapshynyń pikirinshe, Qazaqstanda Jastar jyly jarııalanǵannan keıin elimizdegi jastar saıasatyn túrlendirýge jańa múmkindikter ashylyp jatyr. О́zgerister negizinen júrgizilip jatqan jumysty júıelendirýge, sondaı-aq, jastardyń túrli toptaryna ataýly memlekettik kómekti arttyrýǵa baılanysty bolmaq.
«Eń aldymen, memleket jastardy jumyspen qamtý máselelerin sheshýge baǵyttalǵan sharalardy retteýge umtylýda. Elimizde birneshe baǵdarlama jumys istep tur, máselen, "Jasyl el", "Dıplommen aýylǵa" jáne t.b. Jastarǵa jumys tabýǵa kómektesetin Jastardyń resýrstyq ortalyqtary bar. Degenmen, osyǵan qaramastan, bizdiń zertteýlerimiz kórsetkendeı, eńbekpen qamtylý Qazaqstan jastary úshin №1 másele bolyp qalyp otyr. Prezıdent jarııalaǵan jańa bastamalar memlekettik organdardyń nazaryn atalǵan máselege basa aýdaryp, qoldanystaǵy baǵdarlamalardyń tıimdiligin odan ári arttyrýǵa shaqyrady», — dedi S.Beısembaev.
Buǵan qosa, memleket aldaǵy jyldary bilim berýdiń qoljetimdiligin odan ári arttyrýdy kózdep otyr. Bul, ásirese, aýyldar men shaǵyn qalalardyń jastary úshin asa mańyzdy.
«Orta arnaıy bilim berý júıesin damytý jastardyń osy sanatyna beıimdelý deńgeıin arttyrýǵa kómektesedi. Árıne, munda bilim berý sapasynyń naryq suranystaryna saı kelýi óte mańyzdy», — dedi ol.
Budan ózge, sarapshynyń aıtýynsha, elimizdegi jastar saıasaty jastardyń áleýmettik belsendiligin arttyrýdyń jańa úrdisin qoldaýǵa umtylýda. Materıaldyq yntalandyrý arqyly volonterlerdi qoldaı otyryp, memleket jastardyń belsendiligin tek oń baǵyttarǵa baǵyttap qana qoımaı, jastar uıymdary úshin jańa baǵytty da belgileıdi.
«Úlken qalalardyń mysalynan kórip otyrǵanymyzdaı, qoǵamdyq keńistikterdi abattandyrý, turmys jaǵdaıy tómenderge kómektesý, ekologııalyq saýattylyqty arttyrýǵa jáne t.b. qatysty bastamalar kóptep kóterilýde. Jańa býynǵa osyndaı jobalarǵa qatysý úlken qyzyǵýshylyq týdyrady», — dedi ol.
Osylaısha, Qazaqstanda Jastar jylynda jastarymyzdyń ózekti problemalary joǵary deńgeıde jandandyrylýy tıis. Kóterilip jatqan máseleler keshendi sıpatqa ıe jáne olardyń sheshimi tabylsa, olar jalpy adam kapıtalyn arttyrýǵa kómektesedi. Bul — Qazaqstandaǵy áleýmettik saıasattyń basty basymdyǵy.
Eske sala keteıik, Prezıdent N.Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda 2019 jyldy Jastar jyly dep jarııalady. 2019 jyly memlekettik jastar saıasatyn jan-jaqty qoldaýǵa jáne iske asyrýǵa baǵyttalǵan sharalar qabyldanbaq.