Asa aýyr salmaqta judyryqtasyp júrgen Qazaqstannyń tanymal boksshysy Ivan Dychko kásipqoı rıngtegi óziniń segizinshi jekpe-jegin 1 naýryzda ótkizedi.
28 jastaǵy Qostanaı oblysy Rýdnyı qalasynyń týmasy Dychkonyń áýesqoılar arasynda Olımpııa oıyndarynda eki ret jáne álem chempıonatynda úsh márte júldegerler qatarynan kórindi. Azııa oıyndary men qurlyq birinshiliginde jeńimpaz atanǵan kezi de esimizde. 2017 jyldyń kúzinen bastap ol kásipqoı rıngte kúsh synasýǵa bel býdy. Sol aralyqta jeti jekpe-jek ótkizip, barlyǵynda aıqyn basymdyq tanytty. Sońǵy ret Ivan byltyrǵy jyldyń shilde aıynda amerıkalyq Morrıs Harrısti birinshi raýndta uryp shyqqan bolatyn.
1 naýryzdaǵy báseke de AQSh-ta ótedi. Sol kezdesýde jerlesimizdiń kimmen kúsh synasatyny aldaǵy kúnderi anyqtalady. Ǵalym SÚLEIMEN,
«Egemen Qazaqstan»