7 aqpanda Senatta Jastardy qoldaýǵa baǵyttalǵan dóńgelek ústel ótedi. Onda depýtattar men jastar ókilderi óz bastamalaryn zań júzinde qoldaý múmkindikterin talqylaıdy. Bul týraly Parlament Senatynyń tóraǵasy Qasym-Jomart Toqaev Twitter paraqshasynda jarııalady.
«Qazaqstan jastary bilimdi, jan-jaqty damyǵan ári daryndy. Bizdiń elimizdiń bolashaǵy solardyń qolynda. Memleket basshysy ashqan Jastar jyly jas urpaqtyń ózekti máselelerin sheshýge kúshti serpin beredi, olardyń ózin-ózi tanytýǵa múmkindik týǵyzady» dep jazdy Qasym-Jomart Toqaev Twitter paraqshasynda.
Sondaı-aq ol elimizdiń belsendi jastaryna tıisti jaǵdaı jasalýy kerek ekenin aıtady.
«Qazaqstannyń ozyq oıly jastary ǵylymda, IT tehnologııada, mádenıet, bıznes pen sportta tamasha nátıjelerge qol jetkizdi. Qabiletti, jigerli jastarǵa tıisti jaǵdaı jasap, ynta-yqylasyn arttyrý kerek» delingen jazbada.