Búgin Elbasy Nursultan Nazarbaevtyń qatysýymen Astana qalasyndaǵy «Nur álem» pavılonynda «Táýelsizdik urpaqtary» ataýymen «Jastar jylynyń» ashylý saltanaty ótti. Atalǵan sharany M.H.Dýlatı atyndaǵy Taraz Memlekettik ýnıversıtetinde jambyldyq jastar tikeleı efırden tamashalady. Sonymen qatar, is-sharaǵa stýdenttik parlament uıymynyń senat depýtattary, fakýltetterdiń stýdenttik dekanattary, jastar uıymdary men klýbtarynyń músheleri jáne ýnıversıtettiń jas ǵalymdary men professor oqytýshylar quramy da qatysty. О́z sózinde ýnıversıtet rektory Mahmetǵalı Sarybekov bıyl jyl jastar úshin óte mańyzdy ekenin atap ótti.
Jastar jylynyń ashylý saltanatynda jastar tarapynan birneshe usynys aıtyldy. Máselen, ınternet jobalardy kóbeıtý, «Astana open University» jobasy, búrkitshiler mektebin ashý sııaqty ıdeıalardyń jastar úshin mańyzy zor. Al agrarlyq bıznes salasyn damytý úshin kóktemde Astanada alma baǵyn salý usynysy maquldandy.
Jastar úshin taǵy bir qýanyshty jaǵdaı, bıyl oqý oryndaryndaǵy grant kólemi de 2 ese artatyn bolady. Sonymen qatar, jastar startapyn qoldaýǵa arnalǵan qor qurylady.
«Jastar jylynda» elimizdegi jastar úshin tyń ıdeıalar men bastamalardyń júzege asýyna jáne jastardyń barlyq áleýmettik máseleleriniń sheshimin tabatynyna zor senimdemiz! Jasotandyq retinde bizdiń oblysymyzdaǵy barlyq jastarǵa jasalatyn osy múmkindikter olardyń bolashaqtaǵy áleýetin arttyrýǵa zor kúsh-jigerin salady degen oıdamyn! Bıyl ǵana Asanáli Áshimov atyndaǵy jastardyń shyǵarmashylyq ortalyǵynyń jańadan berilýi men oblysymyzdaǵy jastar alleıasynyń salynýy bizderge zor múmkindik beredi» deıdi «Nur Otan» partııasy Taraz qalalyq fılıaly janyndaǵy «Jas Otan» Jastar qanatynyń bólimshe basshysy Baqytjan Raıymbaıuly.
«Maǵan Elbasynyń volonterlyqpen aınalysatyn joǵary oqý oryndarynyń stýdentterine kóńil bólý kerek degen sózi qatty unady. Sebebi, ózim ekinshi kýrstan beri volonterlyqpen aınalysamyn. Bilim alyp jatqan oqý ordamyzda «Dostyq» jáne «Biz birgemiz» eriktiler klýby bar. Onyń qurylýyna ózim atsalystym. «Dostyq» tobyndaǵy eriktiler qart kisilerge, áleýmettik jaǵdaıy tómen otbasylarǵa kómek qolyn sozsa, «Biz birgemiz» toby múmkindigi shekteýli azamattarǵa kómek qolyn sozady. Bizdiń osy bastamalarymyzdy Úkimettiń ózi qoldap, volonterlarǵa jaǵdaı týǵyzyp jatsa, bizdiń isimiz alǵa basary anyq. Biz osyndaı meıirimdilik isimizben ózgege úlgi bolyp, adamgershilik turǵydan da ósip, damımyz dep sanaımyn. Jalpy men bilim alyp jatqan Taraz memlekettik ýnıversıtetinde jastardy qoldaýǵa zor múmkindikter bar. Bıylǵy jyldyń ereksheligine oraı bilim ordasyndaǵy múmkindikter eki eselenedi dep oılaımyn» deıdi M.H.Dýlatı atyndaǵy TarMÝ stýdenti Dınara Muhtarbekova.
Hamıt ESAMAN,
«Egemen Qazagstan»,
Jambyl oblysy