Almaty oblysynyń aýmaǵyndaǵy ishki joldardyń jalpy uzyndyǵy 6138,6 shaqyrymdy quraıdy. Bul – aımaqtaǵy 17 aýdan men 2 qalanyń tirshiligine jan bitirip turǵan qozǵalys ózegi ispetti.
Osy oblystyq mańyzy bar avtokólik jolynyń sapasyn saraptaǵan mamandar, onyń 78,1 prosentiniń jaǵdaıyn qanaǵattanarlyq dep otyr. Jáne bul kórsetkish jyl saıyn jaqsaryp, jol jaǵdaıy ońalyp kele jatqan kórinedi. Bıyl jyl sońyna deıin aýyl – aımaq aralyǵyn jalǵaıtyn jol sapasy 78.5 prosentke jetpek.
Jalpy, Almaty oblysynda jergilikti mańyzdaǵy joldardy salý men jóndeýge jyl saıyn 30 mlrd teńgege jýyq qarjy bólinip keledi. Al osy jyly ishki joldardaǵy qaýipsiz jáne úzilissiz qozǵalysty qamtamasyz etý maqsatyna 17 359,815 mln teńge qarastyrylǵan. Onyń ishinde 6 374,117 mln teńge respýblıkalyq bıýdjetten, al 10 985,698 mln teńge jergilikti bıýdjetten bólinipti. Endi osy qarjyǵa 23 shaqyrym joldy qaıta salý men jańǵyrtý jumystary júrgiziledi.
Qalmahanbet MUQAMETQALI,
«Egemen Qazaqstan»
Almaty oblysy