Ortalyqta turyp jatqan jandar úshin barlyq jaǵdaı jasalǵan. Olar sapaly medısınamen, kútimmen qamtylǵan. Bul týraly Astana qalasy ákimdiginiń baspasóz qyzmeti habarlady.
Astana ákimi Baqyt Sultanov Aqmola oblysy Aqkól aýdanyńdaǵy «Qamqor» áleýmettik qyzmet kórsetý ortalyǵynda boldy. ««Qamqor» áleýmettik qyzmet kórsetý ortalyǵy» KMM 2005 jyly qurylǵan. Onda psıhonevrologııalyq aýrýlarǵa shaldyqqan jáne kútimge, turmystyq jáne medısınalyq qyzmetke muqtaj jalǵyz basty zeınetkerler turady.
«Qazirgi tańda ortalyqta 44 zeınetker, 319 múmkindigi shekteýli jan turady. Bizde barlyq áleýmettik jaǵdaı jasalǵan: bólmelerimiz jyly, sport jáne jattyǵý zaldary, kitaphana, eńbekpen emdeý kabınetteri men ashana bar», – dedi ««Qamqor» áleýmettik qyzmet kórsetý ortalyǵy» KMM dırektory Nurbol Zulqarnaev. Ortalyqta túrli áleýmettik kómek kórsetiledi: turmystyq, psıhologııalyq, eńbek, quqyqtyq. Ortalyqta bos ýaqytty tıimdi ótkizý jaqsy uıymdastyrylǵan. Merekelik , sporttyq is-sharalar ótip turady.
«Memleket basshysy birneshe ret atap ótkendeı, bizdiń elimizde múmkindigi shekteýli jandarǵa erekshe kóńil bólinip olarǵa «Kedergisiz» orta qurýǵa tıispiz. Sizdiń ortalyqta kásibı mamandar jumys isteıdi. Olar – qaıyrymdy jáne adamdardyń jan dúnıesin jaqsy biletin, jylylyqqa muqtaj jandarǵa júrek jylýyn syılaıtyn jandar», – dedi Astana ákimi Baqyt Sultanov. 2018 jyly Astana ákimdigi Jumyspen qamtý, eńbek jáne áleýmettik qorǵaý basqarmasynyń qoldaýymen júz oryndyq jańa ǵımarat salynǵan. Jańa ǵımarat múmkindigi shekteýli jandarǵa arnalǵan jańa quraldarmen jabdyqtalǵan. Jańa korpýsta kún kollektorlary ornatylǵan, sonyń arqasynda munda ystyq sýǵa qatysty problemaly másele joq.