О́tken jyldyń naýryz aıynda Taldyqorǵandaǵy I.Jansúgirov atyndaǵy Jetisý memlekettik ýnıversıtetiniń sheńberinde «Jetisý» memlekettik qyzmet mektebi ashylǵan bolatyn.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenttiń bastamasymen júzege asqan joba jastardy memlekettik qyzmetke tartýdy erte bastan daıyndaý maqsatyn kózdeıdi. Ázirge bul is oń nátıjeli.
- «Jetisý» memlekettik qyzmet mektebi ashylǵan kúnnen beri ýnıversıtet stýdentteri kelip, qosymsha bilim alýda. Olardyń arasynda qazirdiń ózinde bolshaǵyn aıqyndap, memlekettiń qyzmetshi atanǵandary bar. Departament bastamasymen júzege asqan jobaǵa byltyr qatysqan 43 adamnyń ishinen 10 jas maman bos oryndarǵa jarııalanǵan konkýrstarǵa qatysyp, jumysqa turdy, - deıdi Memlekettik qyzmet isteri jáne sybaılas jemqorlyqqa qarsy is-qımyl agenttigi Almaty oblysy boıynsha departamentiniń baspasóz hatshysy Symbat Israpýlova.
Dástúrli sabaq bıyl da qaıta jalǵasyn tapty. Qazir «Jetisý» memlekettik qyzmet mektebi tek I.Jansúgirov atyndaǵy Jetisý memlekettik ýnıversıtetiniń stýdentteri ǵana emes, qaladaǵy basqa da oqý oryndarynda bilim alyp júrgen 28 jas oqýǵa nıet bildirýde. Yntaly topqa Memlekettik basqarý akademııasy Taldyqorǵan fılıalynyń oqytýshylary dáris júrgizedi.
Qazir aptasyna 3 saǵat memlekettik qyzmet salasyndaǵy biryńǵaı quziretter sheńberinde semınar-trenıng sabaqtary ótip jatyr. Stýdentter bul dáristen «Halyqqa qyzmet etý» qaǵıdasyna negizdelgen qazirgi zamanǵy memlekettik apparat jaıynda maǵlumat alady.
Qalmahanbet MUQAMETQALI,
«Egemen Qazaqstan»
Almaty oblysy