«Egemen Qazaqstan» gazeti bas redaktorynyń orynbasary qyzmetin atqarǵan áriptesimiz, belgili jýrnalıst Qambar Ahmet búgin Qaraǵandy oblysynyń «Ortalyq Qazaqstan» gazetine bas redaktor bolyp taǵaıyndaldy. Q.Ahmetovty ujymǵa tanystyrǵan oblys ákimi Erlan Qoshanov gazette 20 jyldan astam ýaqyt bas redaktor bolǵan Maǵaýııa Sembaı myrzaǵa zor alǵys bildirdi.
Qambar Jumaǵalıuly Ahmet búginge deıin «Egemen Qazaqstan» gazetinde bas redaktordyń orynbasary retinde saıasat jáne quqyq bólimderiniń qyzmetin uıymdastyryp, gazettiń óndiristik-shyǵarmashylyq jumystarynyń mańyzdy bóligine jaýapty boldy. Eńbek jolyn «Ortalyq Qazaqstan» gazetinde bastaǵan ol ár jyldary «Aıqyn» gazetinde menshikti tilshi, «Baq.kz» aqparat agenttiginde bas redaktor, «Qazaqstan» RTRK Internet redaksııasynda bas redaktor, «Nur Otan» partııasynda, Aqparat jáne kommýnıkasııalar mınıstrliginde keńesshi qyzmetterin atqardy.
Qambar Jumaǵalıuly el tarıhynyń júz jyldyq jylnamasyn jazyp jatqan qazaq baspasóziniń qara shańyraǵy – «Egemende» jınaǵan tájirıbesi men bilim-biligin «Ortalyq Qazaqstan» gazetin damytý isine aıanbaı jumsap, talmaı qyzmet etetinine senimdimiz.
Áriptesimizdi shyn júrekten quttyqtaı otyryp, jumysynda sáttilik pen tabystylyq joldas bolýyna tilektespiz!
«Egemen Qazaqstan» gazetiniń ujymy.
Qambar Jumaǵalıuly 1978 jyly Qaraǵandy oblysynyń Aqtoǵaı aýdanynda dúnıege kelgen.
E.A.Bóketov atyndaǵy QarMÝ-dyń túlegi. Jýrnalıstıkadaǵy eńbek jolyn «Balqash óńiri» qalalyq gazetiniń tilshisi qyzmetinde bastaǵan.
2004-2006 jj. Qaraǵandy oblystyq «Ortalyq Qazaqstan» gazetinde tilshi;
2006-2007 jj. Qaraǵandy oblystyq «Balqantaý» gazetinde tilshi;
2005-2008 jj. «Qazaqstan baspasóz klýby» AQ Qaraǵandy oblysy boıynsha ókili;
2007-2014 jj. Respýblıkalyq qoǵamdyq-saıası «Aıqyn» gazetiniń tilshisi;
2010-2013 jj. Baq.kz aqparat agenttiginiń Bas redaktory;
2013-2014 jj. «Qazaqstan» RTRK» AQ Internet jobalar bóliminde Bas redaktor;
2014-2016 jj. «Nur Otan» partııasy «Elektrondyq partııa» medıa redaksııasy ınternet-resýrsynyń basshysy;
2016-2018 jj. QR Aqparat jáne kommýnıkasııalar mınıstriniń keńesshisi;
2018 jyldan «Egemen Qazaqstan» respýblıkalyq gazeti Bas redaktorynyń orynbasary qyzmetterin atqarǵan;
QR Prezıdentiniń Alǵys hatymen, QR Aqparat jáne kommýnıkasııalar mınıstrliginiń «Aqparat salasynyń úzdigi» tósbelgisimen marapattalǵan.