23 qańtardaǵy jaǵdaıǵa sáıkes elordadaǵy qatty otynnyń jalpy qory 15 994,89 tonnany quraıdy. Bul týraly Astana qalasy ákimdiginiń baspasóz qyzmeti habarlady.
23 qańtarda elordaǵa 1 890 tonna kómir ákelingen. Onyń 1 610 tonnasy – «Shubarkól», 280 tonnasy – «Qarajyra». Al kómir baǵasy tómendegideı: «Shubarkól» tonnasy – 11300 teńge, «Qarajyra» tonnasy – 13 200 teńge, «Maıkóbe» tonnasy – 12 000 teńge, «Bogatyr kómiri» tonnasy – 9000 teńge, «Kýzneskıı» tonnasy – 12 250 teńge. Astana qalasynyń otyn-energetıkalyq kesheni jáne kommýnaldyq sharýashylyq basqarmasy baǵa ósiminiń aldyn alý úshin kómir satýshylarmen memorandýmdarǵa qol qoıdy. 2018 jyldyń 1 tamyzynan 3 qańtarǵa deıin kómirdiń 339,5 myń tonnasy satyldy. Búgingi tańda kómir naryǵynda jaǵdaı qalypty, problemalyq máseleler joq. Astana qalasy ákimdigi kómir naryǵyndaǵy jaǵdaıdy kún saıyn monıtorıngten ótkizip, óziniń turaqty baqylaýyna alǵan. «I-Kómek 109» negizinde turǵyndarǵa arnalǵan jedel jeli jumys isteıdi.