23 qańtarda qalany qardan tazartý jumystaryna 316 adam shyqty. Bul týraly Astana qalasynyń baspasóz qyzmeti habarlady.
«Astana Tazalyq» JShS málimetinshe, jumada qar jınaý jumystaryna tehnıkanyń 400 birligi jumyldyryldy. «Qala syrtyna shyǵarylǵan qardyń jalpy kólemi 13255 tekshe metrdi quraıdy. Onyń 17690 tekshe metrin «Astana Tazalyq» JShS, 17268 tekshe metrin ózge de merdiger uıymdar, 385 tekshe metrin «Astana kógaldandyrý» AQ jınady. 16 qazan men 23 qańtar aralyǵynda qardyń 1 375 593 tekshe metri qala syrtyna shyǵaryldy. 23 qańtarda qum-tuz aralas qospanyń 109, 16 qazan men 23 qańtar aralyǵynda 14 575,5 tekshe metri sebilgen».- delingen kompanııanyń habarlamasynda. Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha Astananyń iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady.