23 qańtarda Memleket basshysy N. Nazarbaev Jastar jylynyń saltanatty ashylý rásiminde Jastardyń startaptaryna qoldaý kórsetetin qor qurýdy tapsyrdy. Prezıdenttiń sheshimin jastar ókilderi qoldady. Bul týraly Premer-Mınıstrdiń baspasóz qyzmeti habarlady.
Almaty qalasyndaǵy Nazarbaev Zııatkerlik mektebiniń (NZM) 12 synyp oqýshysy Ivan Krepaktyń aıtýynsha, Startaptardy qoldaýdyń arnaıy qoryn qurý — bul jastarǵa elimizdiń ıgiligi úshin barynsha eńbek etýge, startaptar quryp, túıgen-bilgenimen bólisýge yntalandyrady.
Almaty qalasyndaǵy NZM fızıka-matematıka baǵytynyń 12 synyp oqýshysy Ivan Krepak — baǵdarlamashy, robot tehnıgi jáne AT-qaýipsizdik salasynyń mamany. Ivan Qazaqstandaǵy alǵashqy aqyldy qulyp — «bLock»-ty ázirledi, sondaı-aq jastardyń túrli jarystarǵa qatysý úlesin arttyrýdy kózdeıtin «Zharys» mobıldi qoymshasyn ázirlep shyǵardy. Buǵan qosa, ol «Qiianat Etpe» lańkestikke qarsy antenna» jobasynyń ázirleýshisi jáne sóıleý men estý qabileti buzylǵan adamdarǵa ısharat tilin meńgermegen adamdarmen baılanys ornatýǵa múmkindik beretin «VoiceKomek» mobıldi qosymshasynyń avtory.
«Búginde barlyq halyqaralyq baıqaýlarda, olımpıadalarda elimizdiń atyn zııatkerlik mektepterdiń balalary tanytýda. Jastarymyzdyń halyqaralyq deńgeıde básekege qabiletti ekenine kózim jetti. Elimizdiń myqty bilim berý áleýeti bar. Memleket elimizde bilimdiler ortasy damyp, jastarǵa oqyp, túrli jobalardy iske asyrýǵa qoldan kelgenniń bárin jasap jatyr. Nursultan Nazarbaev aıtqandaı, ótken býynnyń tájirıbesin qaıtalap qana qoımaı, saýatty, básekege qabiletti ári tájirıbeli jastardy ósirýimiz kerek. Elimizde “Amazon”-y bar Djeff Bezos, ózimizdiń “Uber” kompanııamyz jáne “Alibaba” sekildi ınternet alyby bolatynyna kámil senemin», — dedi Ivan Krepak.
I. Krepak bir elmen qosa, kúlli álem paıdalanatyn jańalyqtar, serpilisti ári aýqymdy ıdeıalar adamnyń jas kezinde oılap tabylady dep esepteıdi. Jastar kúrdeli máselelerge jeńil qaraıdy, qıyn mindetterdi oryndaýdan qoryqpaıdy. Jastar tyń ıdeıalardy iske asyrýdan taısalmaıdy. Sátsizdikterden seskenbeıdi.
«Barlyq sátti shyqqan startaptar birden tabysty bolǵan emes, tabysty startaptar – bul bastan ótken sátsiz áreketter men talpynystardan alynǵan tájirıbeniń jemisi. Men "Jarys" mobıldi qosymshasyn iske qosqanǵa deıin kóptegen basqa mobıldi qosymshalardy ázirledim. Keıbireýleri kópshilikke tanylmady, keıbiri jóndi aıaqtalmaı qaldy, keı jerlerde tájirıbem az boldy, degenmen, AT boıynsha jarystarǵa, olımpıadalarǵa, hakatondarǵa jáne basqa da mektep pánderine qatysa bastaǵan kezde, jalǵyz ınternettiń kómegimen alysqa barmaıtynymdy túsindim, adamdarmen jıi aralasyp, kásibı mamandarmen aqyldasýdyń qajet ekenin túsindim. Odan keıin nıettes, maqsatymyz bir adamdardy jolyqtyrdym. Elbasymyz Startaptardy qoldaýdyń arnaıy qoryn qurý týraly sheshim qabyldaǵanyna óte qýanyshtymyn», — dep jas ónertapqysh pikirimen bólisti.
Sondaı-aq, ol Jastar jyly óskeleń urpaqqa ózderiniń bilim kókjıekterin keńeıtip, oqý salasyndaǵy bilimderin jetildirýge, kásipkerlikte jáne ekonomıka men qoǵamnyń basqa da salalarynda aqparattyq tehnologııalardy damytýǵa jol ashatynyna senim bildirdi.
«Jastar jyly – bul Qazaqstan úshin jańa bir beles. Buny rebrendıng deýge bolady. Búginde Qazaqstan kóptegen kórsetkishter boıynsha TMD elderinen ǵana emes, sondaı-aq AQSh-tan, Kanadadan, Japonııadan, Qytaıdan ozyq tur», — dedi I. Krepak.