Memlekettiń jastarǵa baǵyttalǵan oń saıasatynyń arqasynda Qytaıda, Ulybrıtanııada bilim aldym. Jastyq shaǵymnyń biraz jyly Amerıka Qurama Shtattarynda ótti. Bastapqyda isimdi jarnama salasynan bastaǵanymmen, qazir bıznestegi áriptesterimmen birge óndiriske qatysty jobalardy júzege asyrýǵa kiristik. Elimizde burǵylaý turbalaryn shyǵaratyn zaýyt salý jóninde josparymyz bar. Sondaı-aq otandyq ánshilerdi qoldaýǵa baǵyttalǵan jobamyz da júzege asyrylýda.
Jalpy, Elbasynyń qatysýymen ótken saltanatty jıynda Memleket basshysynyń jastarǵa qatysty máselelerge óte tereńnen qaraıtyndyǵyna taǵy bir márte kóz jetkizdim. Prezıdenttiń árbir usynysy men tapsyrmasy jastardyń ál-aýqatyn arttyryp, áleýmettik turǵyda qoldaý bolatyndyǵyna kámil senemin.
Men shet memleketterde kóp júrgen jandardyń biri retinde elimizde jastardyń bilim alyp, kásibin ashýyna tolyq jaǵdaı jasalǵandyǵyn nyq senimmen aıta alamyn. El ekonomıkasynyń qaı salasyn alsaq ta, áli túren túspegen baǵyttar bar. Demek, bilim alǵysy kelgen, baıyǵysy kelgen zamandastarymyz da jerdegi jumaqty shetten izdemeýi tıis.
Eń bastysy, Memleket basshysy jastarǵa tolyq qoldaý kórsetýde. Men elge kelgende jastardyń eldegi mańyzdy baǵdarlamalardan, jobalardan habarsyz ekendigine kóz jetkizdim. Sondyqtan quzyrly oryndar jastar arasynda aǵartýshylyq qyzmetke kóbirek kóńil bólse eken. О́ıtkeni ásirese, shalǵaı aýyldaǵy jastar memleket tarapynan kórsetiletin jeńildikterdi bilmeıdi.
Al qolyna daıyn balyq emes, qarmaq alǵan jastardyń ósip-órkendeýi ózderine baılanysty. Táýelsiz Qazaqstannyń tarıhynda tuńǵysh ret Jastar jylynyń jarııalanýy bolashaqqa senimdi arttyra túsedi.
Shalqar AMANBAEV,
jeke kásipker