Qańtar aıynyn basynda velosıped mingen jigit aǵasy Almaty qalasynan Mekkege qaraı qajylyq saparǵa nıet qylyp jolǵa shyqty. Aldymen minájat etip, Túrkistanǵa baryp qaıtqan bolatyn. Almatylyq Talǵat Jumabekov bul saparynda О́zbekstan, Túrikmenstan, Iran, Birikken Arab Ámirlikteri arqyly Mekkege attanǵan.
Ol budan bylaı mýzykalyq prodıýserlik jumysyn toqtatyp, aldaǵy ýaqytta kıno túsirýmen jáne saıahatpen aınalyspaq.
– Qajylyq sapar barysynda kómek qolyn sozǵan adamdar kóp, velosıpedpen shyǵatyn bolǵannan keıin be, estigender erekshe qabyldady. Meniń ushaqpen de barýǵa jaǵdaıym bar, ózim jol qıyndyǵyn sezineıin dep túıdim. Jol boıy adamdardyń yqylasyn sezinip, adamdardyń bir-birine degen ımandylyq ısharattaryn bildiretin ǵajaıyp sezimdi bastan ótkerýdiń jóni bólek qoı. Jolǵa Quran kitabyn aldym, azyǵym da, serigim de sol bolatyn sııaqty. Saparǵa shyǵar aldynda Túrkistanǵa baryp minájat ettim, Shymkentke soǵyp, velosport belsendilerimen júzdestim, – deıdi Talǵat Jumabekov.
Jıhankez Qudaı buıyrtyp saparynan sátti oralsa, jolda kórgen, túıgenderi týraly jaqsylap taǵy da bir áńgimelermiz. Uzaq joldyń sáttiligin bersin. Ekiniń biri táýekel ete bermeıtin mundaı jolsapardy shyn máninde sáýleli sapar dep ataýǵa ábden bolatyndaı.
Saparbaı PARMANQUL,
«Egemen Qazaqstan»
ALMATY