Búgin Úkimet úıinde Premer-Mınıstr Baqytjan Saǵyntaevtyń tóraǵalyǵymen bıyl 23 qańtarda Jastar jylynyń resmı ashylý saltanatynda Memleket basshysynyń bergen tapsyrmalaryn oryndaý máseleleri boıynsha jumys keńesi ótti.
Keńes barysynda jastardyń áleýetin damytyp, iske asyrýǵa, qoǵamdyq ómirdiń barlyq salalarynda olardyń básekege qabilettilik deńgeıin arttyrýǵa jaǵdaı jasaýǵa baǵyttalǵan Jastar jylyn ótkizý jónindegi jol kartasynyń jobasy qaraldy.
Qoǵamdyq damý mınıstrliginiń qazaqstandyq jastardyń qoljetimdi ári sapaly bilim alýǵa, eńbekpen qamtylýyna, turǵyn úıge degen qajettilikterin qamtamasyz etýge baǵyttalǵan utymdy quraldar, sondaı-aq, jas otbasylardy qoldaý sharalary jónindegi tásilderi usynyldy.