Elimizdegi asa iri oqý oryndarynyń biri – E.Bóketov atyndaǵy Qaraǵandy memlekettik ýnıversıtetiniń rektory aýysty. Bul qyzmetke professor, hımııa ǵylymdarynyń doktory Azamat Tırjanuly Edrısov rektorlardy tańdaý boıynsha respýblıkalyq konkýrstyq komıssııanyń sheshimimen taǵaıyndaldy.
Azamat Edrısov 53 jasta. Ol Qaraǵandynyń týmasy, QarMÝ-dyń fızıka fakýltetin támamdaǵan. Eńbek jolyn osy oqý ornynda bastady. Máskeýdegi Karpov atyndaǵy fızıkalyq-hımııa ǵylymı-zertteý ınstıtýtynyń aspırantýrasyn bitirgen.
Aspırantýradan keıin 1993 jyldan bastap organıkalyq sıntez jáne kómirsýtegi ınstıtýtynda jetekshi ınjener jáne atqarýshy ǵylymı qyzmetker laýazymdary boıynsha eńbek etken.
2006-2014 jyldary Qaraǵandydaǵy Qazaqstan-Reseı ýnıversıtetiniń birinshi prorektory boldy.
V 2006 jyly hımııa ǵylymdarynyń doktory ǵylymı dárejesin alý úshin dıssertasııasyn qorǵaǵan. 2010 jyldan bastap professor. 2012 jyly QR UǴA korrespondent-múshesi bolyp saılandy.
2015 jyldan bastap rektor qyzmetine taǵaıyndalǵanǵa deıin Nazarbaev ýnıversıtetinde kún energııasy zerthanasyn basqardy.
Azamat Edrısov 70-ten astam ǵylymı eńbekterdiń, eki monografııa men bir oqý ádistemesiniń avtory.
Qaırat ÁBILDA,
«Egemen Qazaqstan»
Qaraǵandy