JAŃA QOR QURYLDY

Bul qor korporatıvti basqa­rýdyń álemdik dárejesine saı qurylyp otyr. Onyń talaptary boıynsha kompanııalardyń qa­ıy­rymdylyq baǵyttaǵy isteri a­shyq, jaýapty jáne esep bere­tindeı tetikter qurý arqyly ál­eýmettik jáne qaıyrymdylyq jobalardy qarjylandyrýdaǵy jumystardy retke keltirip otyrady. “Samuryq-Qazyna-Astana” qory sportty qoldaý men ony damytý, elimizde úlken jetistik­terge jetip júrgen sport túrleri men buqaralyq sport túrlerin damytý sekildi máselelerge ma­mandandyrylatyn bolady. So­nymen birge onyń sportshylar men bapkerlerdi daıyndap, jo­ǵary dárejedegi sport mamanda­ryn elge tartý jumysymen de aınalysýy kózdelip otyr. Jaqynda korporatıvti qor­dyń qamqorshylar keńesiniń sheshimimen onyń bas dırektory bolyp Dáýlet Turlyhanov ta­ǵaıyndaldy. Buǵan deıin Par­lament Májilisiniń depýtaty, Týrızm jáne sport agenttiginiń tóraǵasy, Sport isteri jónindegi komıtet tóraǵasy qyzmetterin at­qarǵan Dáýlet Bolatuly kezin­de 10 jyldan astam ýaqyt boıy KSRO-nyń grek-rım kúresi jóninen ulttyq quramasynyń sapynda Keńes Odaǵynyń jeti dúrkin chempıony, Olımpııa oı­yndarynyń júldegeri, álem chem­pıony, álem kýbogynyń ıe­ge­ri, Azııa jáne qurlyqtyq bas­qa da oıyndardyń birneshe dúr­kin chempıony bolǵan. Ol KSRO-nyń eńbegi sińgen sport she­beri. Qa­zaqstannyń jáne Qyr­ǵyz­stannyń eńbek sińirgen bap­keri. Qazaqstan Respýblıka­sy­na eń­begi sińgen qaıratker. Pro­fessor, pedagogıka ǵylym­da­ry­nyń kandıdaty degen dá­rejesi bar. Sondaı-aq ol halyq­aralyq boks federasııasy bıýrosynyń múshesi. Dastan KENJALIN. BEIJIŃDEGI HALYQARALYQ FORÝM Qytaı astanasynda “Jahandyq qarjy-ekonomıkalyq daǵdarys jáne kásipodaqtardyń róli” degen taqyrypta halyqaralyq forým bolyp ótti, dep habarlady QR Kásipodaqtar federasııasynyń baspasóz qyzmeti. Forýmǵa Afrıka, Azııa, Eýropa, Latyn Amerıkasy ulttyq kásip­odaq­tarynyń ókilderi men keıbir óńirlik jáne halyqaralyq kásip­odaqtar uıymdarynyń basshylyǵy qatysty. Forýmǵa qatysýshylar kásipodaqtardyń róli, olardyń halyqaralyq yntymaqtastyqtaǵy qyzmetin kúsheıtý jáne daǵdarys sal­daryn eńserýdiń, jumysshy­lardy áleýmettik-ekonomıkalyq qorǵaýdyń joldaryn talqylady. Forýmda Qazaqstan Respýblı­kasy Kásipodaqtar federasııasy­nyń tóraǵasy Sııazbek Muqashev sóz sóıledi. Ol forýmnyń qory­tyn­dy qujatyna usynys engizdi. Sóıtip, daǵdarystan keıingi kezeń­de kásipodaqtar ózderiniń úsh negizgi mindetterin aıqyndady. Olar: taý­arlar men qyzmet kórsetýlerge odan ári baǵanyń ósýine jol ber­meý, jumysshylardyń eńbek­aqy­syn turaqtandyrý jáne jumys kúshin barynsha qamtýǵa tyrysý. KÁSIPODAQTAR  “SOSNOVYI BORǴA”  KELDI Kóktem aıynyń alǵashqy kún­derinde  Qazaqstan kásipodaqtary­nyń barlyǵy  Araqaraǵaı orma­nyn­daǵy “Sosnovyı bor” sana­to­rııi­ne jı­nal­dy. Munda naýryzdyń  4-ine deıin Qazaqstan kásip­odaq­tary federasııasynyń tóraǵasy Sııazbek Muqashevtyń jetekshiligi­men “Qazirgi jaǵdaıdaǵy  aksıo­ner­lik qoǵam men jaýapkershiligi shekteýli seriktestikteri qyzmetiniń  ózekti máseleleri.  2015 jylǵa deıingi ke­zeńge arnalǵan  sana­torıı-kýrort, týrıstik jáne qonaq úı keshenderin damytý baǵdar­la­masyn daıyndaý” atty semınar-keńes ótýde. Bul jıynǵa  elimizdiń barlyq  shal­ǵaıyndaǵy kásipodaqtarǵa qa­rasty saýyqtyrý oryndarynyń jetekshileri, olardyń medısına jó­nindegi orynbasarlary, tájirı­beli dárigerler qatysýda. Jı­nal­ǵandar  saýyqtyrý-demalys oryn­darynda  medısınalyq qyzmettiń sapa­syn kóterý, emdeýdiń ozyq ádisterin engizý jáne qarjy-sharýashylyq qyzmetter jóninde tereń talqylap, pikir almasatyn bolady. Sonymen qatar semınar-keńeste “Kásipodaqtarǵa qarasty saýyqtyrý oryndary men qonaq úıleriniń kóshbasshylary” atty baıqaý-kórme ótedi. D.ÁÝBÁKIROV, “Sosnovyı bor” JShS dırektory. Qostanaı. Bárekeldi! BILIKTI ÁKIM JEKE  BLOGPEN DE JUMYS ISTEIDI Jambyl oblysy ákimdiginiń resmı saı­tyn­da (www.zhambyl.kz)  oblys ákimi Qanat Bo­zymbaevtyń jeke blogy jumys isteı bastady. Onyń ereksheligi sol kez kelgen adam oblys ákimi atqaryp jatqan jumystarǵa baılanysty sońǵy jańalyqtardy ǵana bilip qoımaı, blog “qonaqtarynyń” suraqtarymen jáne olarǵa qaı­tarylǵan jaýaptarmen de tanysa alady. Sony­men birge, oblys basshysyna ózderin tolǵandyrǵan saýaldar men usynystardy jet­kizýge de múmkindikteri bar. Blogqa habarlasqan Shý aýdanynyń turǵy­ny “endi oblys basshysy halyqqa, halyq oblys basshysyna jaqyndaı tústi” dep rıza­ly­ǵyn bildirse, Jýaly aýdanynyń turǵyny E.Ma­na­shev oblystaǵy aýyl sharýashylyǵy sa­lasyn da­mytý jaıyndaǵy oı-pikirlerin aı­typ­ty. Ta­raz­dyq S.Amanbekov oblys ortalyǵyn­daǵy qu­rylysy 30 jyldan beri bitpeı turǵan qonaq úı men qala syrtyndaǵy Shalǵaı Qa­rasýǵa barar joldaǵy aspaly kópir qury­ly­synyń da kezinde aıaqsyz qalǵanyn jetkizipti. Búginde ınternet pen elektrondy poshta qyz­meti halyq arasynda kóp paıdalanyla bas­ta­dy. Sondyqtan jambyldyqtar oblys áki­mi­niń óz blogyndaǵy: “Men ózimniń jeke blo­gym­da sizdermen kezdeskenime qýanyshtymyn.  Búgin, aqparattyq tehnologııa damyǵan kezde biz, jergilikti atqarýshy bılik, osy aımaqtaǵy árbir turǵynnyń álemdik aqparattyq keńis­tik­ke shyǵýyna barlyq jaǵdaıdy jasaıtyn bola­myz. Oblys ákimdiginiń resmı saıtynyń kómegi arqyly, bizdiń aımaqtaǵy  qoǵamdyq-saıası jáne áleýmettik-ekonomıkalyq jaǵdaıymen tanysatyn bolasyzdar. Osy blogtyń kómegimen sizder menimen tikeleı baılanysqa shyǵyp, óz suraqtaryńyzdy aıtyp, oılaryńyzben bólise alasyzdar. Kez kelgen ótinish nazardan tys qalmaıdy. Bul blogtyń biryńǵaı aqparattyq alańǵa aınalatyny jáne qyzyqty da  tıimdi bolatyna senemin”, degen júrekjardy sózin oqyp, “bárekeldi, bul da jón eken” dep otyr. Oblys ákiminiń ońdy bastamasy endi aýdandar men qala ákimderi tarapynan da qoldaý tapsa, nur ústine nur bolar edi. Kósemáli SÁTTIBAIULY. Jambyl oblysy. “JOǴARY OQÝ ORNYNYŃ ÚZDIK OQYTÝShYSY” memlekettik grantyn bıyl 200 adam aldy Sońǵy bes jyl kóleminde Úkimet úzdik oqytýshylardy qoldaý maqsatynda qomaqty qarajat bólip keledi. Atalmysh grantty jeńip alǵan ustazdar mamandyqtaryna qatysty keleli maqsattaryn júzege asyra alady. Sonymen, Qazaqstan Úkimetiniń 2005 jylǵy 24 tamyzdaǵy qaýlysyna sáıkes “Joǵary oqý ornynyń úzdik oqytýshysy” memlekettik grantyn tapsyrý ıgi dástúrge aınalyp otyr. Burynǵy grant ıelerin de arnaıy ko­mıssııa anyqtaǵan. Elimizdiń eń jańashyl da izdenimpaz, shákirt tárbıeleýge shy­ǵar­mashylyq turǵyda qaraıtyn oqytýshylardy anyqtaýǵa Parlament Májilisi depýtattary, mınıs­tr­lik­ter men mekemeler, bilim berý salasynyń jetekshi mamandary ǵalymdar aralasyp, tórelik aıtqan. Jyl saıyn bul ataqty alýǵa talpynyp, tynbaı izdene bastaǵan oqytýshylardyń qatary kóbeıip kele jatqanyn ańǵarý qıyn emes. Bıylǵy “joo oqý ornynyń úzdik oqy­tý­shysy” baıqaýyna 93 joǵary oqý or­ny­nan 840 úmitker qujat tapsyrsa, 2005 jyly – 431 adam, 2006 jyly – 902 adam, 2007 jyly – 828 adam, ótken jyly 955 adam baǵyn synaǵan eken. Degenmen, baıqaýǵa qatysyp, baǵyn synaǵylary kelgender kóbeıgenimen, baı­qaý­dyń da erejeleri kúrdelene túsýde. Sonymen “joo úzdik oqytýshysy” ata­ǵyna kimder laıyqty? Eń aldymen úzdik oqy­týshy qoldanbaly ǵylymı-zertteýlermen, ha­lyqaralyq ǵylymı jobalarǵa qatysýy, úı­re­nýshilerdiń ǵylymı jumysyna (sonyń ish­inde stýdentterdiń ǵylymı-zertteý ju­mys­tary men shyǵarmashylyq jumystaryna jetekshilik jasaý), oqýlyqtar men oqý qu­ral­daryna, oqý-ádistemelik keshender ázirleý men basyp shyǵarýǵa qatysýy, zamanaýı pe­dagogıkalyq tehnologııalardy engizý jáne paı­dalanýy, stýdentterdiń oqytýshyny pe­dagogıkalyq sheberligin baǵalaýy, úmitkerdiń tájirıbeden shetelde ótýdi josparlaýy sııaqty jetistikteri arqyly baǵalanady. О́tken senbi kúni Bilim jáne ǵylym mınıstri Janseıit Túımebaev elimizdiń 200 úzdik oqytýshysyna melekettik grantyn tabystady. Aınash ESALI, Almaty.