О́tken jyly Elbasy Jarlyǵymen qaıta ashylǵan Almaty oblysynyń Raıymbek aýdany aýmaǵynda tabıǵı altyn qory mol. Qazir osy Narynqol óńirdegi qazyna mólsherin zertteý men óndirý jumystaryna daıyndyq júrip jatyr.
Búginde aýdan kóleminde altyn óndirý jobalary jasalyp qoıǵan eken. Elimiz boıynsha altyn qazbalaryn tájirıbelik-óndiristik óndirý men baǵalaý isine mamandandaǵan «Gold Production» JShS Narynqoldyń qazynasyn ıgerýge bel sheshipti. Aldaǵy kóktemge qaraı qaraı altyn óndirýge kirisedi.
Raıymbek aýdanynyń Jambyl aýyldyq okrýgi aýmaǵynda bastalatyn óndiriske 8 mlrd 649 mln teńge ınvestısııa salynbaqshy. Jobany júzege asyrylatyn 2019-2026 jyl aralyǵynda 80 shaqty adamǵa jumys tabylyp tur.
Jaqynda aýdannyń altynyn ıgerýge taǵy eki kompanııa qosylmaq. «SKN» seriktestigi men «Narynqol Gold» kompanııasy altyn izdeý jáne óndirý isinie 3 mlrd teńgeden astam qosymsha ınvestısııa tartady.
Qalmahanbet MUQAMETQALI,
«Egemen Qazaqstan»
Almaty oblysy