Qazaqstan fýtzaldan EÝRO-2022 týrnırin ótkizýge qyzyǵýshylyq tanytyp otyr. Budan bólek taǵy alty memleket dúbirli dodany ózderinde ótkizýge yntaly.
Fýtzaldan EÝRO-2022 týrnırin ótkizý boıynsha ótinimderin tapsyrý 2018 jyldyń 12 qazanynda bastaldy. Ol 21 qańtarǵa deıin jalǵasty.
Oǵan jeti ulttyq birlestik qyzyǵýshylyq tanytyp otyr. Olardyń qatarynda Bosnııa, Qazaqstan, Lıtva, Gollandııa, Portýgalııa, Fransııa jáne Shvesııa bar.
Týrnırdi uıymdastyrýǵa yqylas tanytý eshqandaı mindet júktemeıdi. О́tinish qabyldaý merzimi 2019 jyldyń 30 mamyrynda aıaqtalady. Al 2019 jyly 24 qyrkúıekte ÝEFA atqarý komıteti EÝRO-2022 týrnırin ótkizetin eldi tańdaıdy.
Osy ýaqytqa deıin EÝRO fýtzaly eki jyl saıyn ótkizildi. Alǵashynda fınaldyq kezeńge segiz komanda qatysty. 2010 jyly qatysýshylar sany 12-ge deıin ósti.
Al 2022 jyldan bastap fýtzaldan Eýropa birinshiliginiń fınaldyq kezeńi tórt jylda bir ret bolady, oǵan 16 komanda qatysady.