Mektep dárethanasynda qurdastaryn uryp, ony vıdeoǵa túsirgen jasóspirimder anyqtaldy. Bul týraly QR IIM Ishki jáne syrtqy kommýnıkasııalar departamentiniń dırektory Almas Sadýbaev aıtty dep habarlaıdy QazAqparat tilshisi.
«Tergeýge deıingi tekserý amaldary aıasynda polısııa qyzmetkeri mektep dárethanasynda qurdastaryn soqqyǵa jyǵyp, munyń barlyǵyn vıdeoǵa túsirgen jasóspirimderdiń aty-jónderi anyqtaldy. Oqıǵa osydan bir jyl buryn, 2018 jyldyń 10 qańtarynda Qyzylorda qalasynda bolǵan. Sol kezde zardap shekken oqýshynyń ata-anasynan polısııaǵa shaǵym túsken joq», - dedi Almas Sadýbaev.
Departament basshysynyń aıtýynsha, QR Qylmystyq kodeksiniń 293-babynyń 2-bóliginde qarastyrylǵan qylmys belgileri boıynsha sotqa deıingi tergeý amaldary bastaldy.
«Atalǵan bap bas bostandyǵynan 5 jylǵa deıin aıyrýdy nemese dál osy merzimge bas bostandyǵyn shekteýdi kózdeıdi», - dedi Almas Sadýbaev.
Buǵan deıin Túrkistan qalasynda da qatarlastaryna álimjettik jasaǵan oqýshylar áreketterin vıdeoǵa túsirip, ol áleýmettik jeligen tarap ketken bolatyn.