Nıý-Iork polıseıleri qazaqstandyq 24 jastaǵy Mahabbat Ábdýalıevany ustady. Bul týraly amerıkalyq BAQ ókilderine silteme jasap Tengrinews habarlady.
Jergilikti CBS NewYork telearnasynyń málimetinshe, 24 qańtarda polıseıler alaıaqtyq jasady degen kúdikpen 24 jastaǵy Mahabbat Ábdýalıevany ustaǵan. Qazaqstandyq qyzdyń adamdarǵa ózin jyljymaıtyn múlik jónindegi agent retinde tanystyryp, 2018 jyldyń sáýir-shilde aılary aralyǵynda birneshe adamdy tonaǵany aıtylady. Ol Facebook jelisinde páterler jaıly habarlamalar jarııalap, ózin rıeltormin dep aldap júrgen.
Basylymnyń málimetinshe, taǵy bir er adam múlikti jalǵa berip, alaıaqtyq jasady degen kúdikke ilindi. Biraq ol áli bostandyqta. USA.one málimetinshe, mundaı alaıaqtyq jaǵdaıy birinshi ret 2018 jyldyń 30 sáýirinde bolǵan. Alaıaq qyzdyń jaldamaly páter jaıly jarııalanǵan habarlamasyn kórgen 22 jastaǵy qyz oǵan habarlasqan. Ol ózin rıeltor tanystyrǵan adamǵa kepil retinde 500 dollar qaldyryp ketken. Sol kúni "múlik jónindegi agent" ol páterdi basqa bir áıelge jalǵa berip jiberip, odan taǵy 200 dollar alǵan.
Birneshe aıdan keıin osyndaı jaǵdaı Mıdvýdte qaıtalanǵan. Onda 25 jastaǵy qyz alaıaqqa kepil retinde 700 dollar qaldyrǵan.
Keıinirek áleýmettik jelilerde qyzdyń pasporty túsirilgen sýretter taraldy. Onda Mahabbat Ábdýalıevanyń Qazaqstan azamatshasy ekeni kórsetilgen.