Búgin Italııanyń Anthols-Anterselva aımaǵynda ótip jatqan bıatlonnan álem kýbogi kezeńinde qazaqstandyq Roman Eremın 18-shi oryn ıelendi. Ol sprınterler jarysynda alǵashqy jıyrmalyqqa enip otyr. Bul Qazaqstan quramasynyń bıylǵy maýsymdaǵy eń úzdik nátıjesi sanalady dep habarlaıdy Olympic.kz.
10 shaqyrymǵa sozylǵan synda Qazaqstan namysyn Roman Eremın,Tımýr Kýs jáne Petr Ermolenko qorǵaǵan bolatyn.
Roman Eremın óziniń ǵana emes, Qazaqstan quramasynyń bıylǵy nátıjesin jaqsartty. Ol 24 mınýt 57.6 sekýndta márege jetip, 18-shi orynǵa turaqtady.
Osy kórsetkishi arqyly Eremın 23 upaıǵa qol jetkizip, jalpy esepte 43-shi orynǵa kóterildi.
Tımýr Kýs nysana kózdede múlt ketpeı, 88-shi satydan kórindi.
Sprınterler básekesinde altyn júldeni Iohannes Bıo ıemdendi. Ekinshi orynda onyń otandasy, taǵy bir norvegııalyq sportshy Erlenn Bontegor. Qola júldeni fransııalyq Antonın Gıgonn jeńip aldy.