Alaıaqtyq kúdigimen Nıý-Iorkte tutqyndalǵan qazaqstandyq tergeý jumystary aıaqtalǵansha bostandyqta bolady.
Osyǵan deıin CBS NewYork telearnasynyń málimetin jarııalaǵan edik, 24 qańtarda polıseıler alaıaqtyq jasady degen kúdikpen 24 jastaǵy Mahabbat Ábdýalıevany ustaǵan. Qazaqstandyq qyzdyń adamdarǵa ózin jyljymaıtyn múlik jónindegi agent retinde tanystyryp, 2018 jyldyń sáýir-shilde aılary aralyǵynda birneshe adamdy tonaǵany aıtylady. Ol Facebook jelisinde páterler jaıly habarlamalar jarııalap, ózin rıeltormin dep aldap júrgen.
Bul aqparatty QR Syrtqy ister mınıstrliginiń resmı ókili Aıbek Smadııarov rastady.
«Iá, Mahabbat Ábdýalıeva - shynymen de Qazaqstan azamaty. Oǵan alaıaqtyq boıynsha aıyp taǵylyp otyr. Advokattar men konsýldardyń kúsh salýymen qazaqstandyq qyz bosatyldy. Barlyq tergeý jumystary aıaqtalǵansha bostandyqta bolady. Negizgi sot tyńdalymy naýryz aıyna josparlanǵan», - dep jaýap berdi Aıbek Smadııarov.