Jastar jylynyń ashylý saltanatynda Prezıdent tarapynan da, jastar tarapynan da kóptegen jaqsy usynystar aıtyldy.
Endi osy usynystar, Elbasy tapsyrǵandaı naqty iske assa, birshama nátıje bolatyn sııaqty. Men ózi ádebıet salasynyń ókili bolǵandyqtan, jıynda semeılik zamandasym, jas aqyn Mereı Qarttyń Qazaqstanda ádebıet akademııasyn qurýdy qoldaý týraly bastamasyn qýana quptaımyn. Ol usynys buǵan deıin Astanada ótken Jastar forýmynda, Qazaqstan Jazýshylar odaǵy basqarma tóraǵasynyń birinshi orynbasary Aqberen Elgezek tarapynan aıtylyp, jastar arasynda keńin qoldaýǵa ıe bolǵan edi. Endi bul máselege memlekettik turǵyda kóńil bólinip, sheshimin taýyp jatsa, nege qýanbasqa?
Jalpy, ádebıet degenimiz – alma-mater, ıdeıalar lokomotıvi. Ádebıet jáne onyń janrlary týdyrǵan ıdeıalar barlyq gýmanıtarlyq, ǵylymı-texnıkalyq progrestiń qaınar bastaýynda tur.
Sondyqtan akademııanyń qurylýyn qoldaımyn! Ádebıet akademııasy – jańa ıdeıalar akademııasy, jańa qazaqstandyq rýxanı-estetıkalyq modeldiń arqaýy bolady dep oılaımyn.
Erlan JÚNIS,
aqyn, Qazaqstan jazýshylar odaǵy Almaty oblystyq fılıalynyń jetekshisi