Quqyqtyq mártebemiz anyqtalsa eken

Qoldanystaǵy zańnamalar­da «jas kásipker», «jastar kásip­ker­ligi» degen uǵym beki­til­megen­­dikten, memleket tarapy­nan olardy qoldaý sharalary da júıeli júrgizilmeıdi. Sol sebepti «jas kásipker», «jas­tar kásipkerligi» uǵymyn zań júzinde naqtylap, bekitip, olar­ǵa qatysty memlekettik qol­daý­dy zańnamalyq turǵydan qam­tamasyz etýdi, sonymen qatar jas kásipkerlerdiń reestrin qalyptastyrýdy usynamyn. Osy­laısha, jastardyń jeke is bas­taýyna, óz betinshe jumys isteýine, tabys tabýyna jaǵdaı jasap, qoǵamǵa paıdaly azamat bolýyna jol ashý kerek.

Elbasymyz shaǵyn jáne or­ta bıznesti damytý kerektigin únemi aıtyp keledi. Keshegi saltanatty jıynda da Úkimetke «Bıznestiń jol kartasy-2020» baǵdarlamasynyń aıasynda jas kásipkerler úshin qarjylaı grant kólemin eki esege arttyrýdy tapsyrdy, stýdentterdi de bızneske baýlýdy usyndy. Elimizde shaǵyn jáne orta bıznesti damytýǵa 3 jyldyń ishinde 32 mlrd teńge bólý úlken qoldaý ekeni sózsiz. Shaǵyn kásipkerlikti damytýda jas kásipkerlerdiń múmkindigi mol. Sebebi olar óte belsendi, isker, bıznestiń qyr-syry týraly bilimderi kemel. Qoǵamnyń negizgi qozǵaýshy kúshine aınalýǵa qabiletti. Olarǵa der shaǵynda qol­daý jasap qoltyǵynan demese, az jylda jas kásipkerlerdiń isi keń qanat jaıatynyna senimim kámil. Jalpy, bıylǵy jyl jas­tar máselesine qatysty basqa da mańyzdy máseleler men bas­tama­lardyń bastaýy bolady dep sanaımyn. Jastar máselesi árdaıym ózekti bolǵanymen, buryn keıbir dúnıeler keıinge qaldyrylyp kelgeni jasyryn emes. Endi bári basqasha bolýy kerek. Ár salada­ǵy máselelerdi túp­ki­­lik­ti sheshe­tin uzaq merzimdi stra­­­te­gııa­lyq sheshimder qabyl­­dan­sa, keshendi sharalar atqarylsa dep tileımin jáne oǵan úmit artamyn. 

Jastarǵa negizgi qundylyq­tar­dy anyqtap bersek, onda al­daǵy jy­ldary sonyń jemisin kóre bastaımyz.

Maqsat QOJAMBEK,

Qazaqstannyń jas kásipkerleri qaýymdastyǵynyń tóraǵasy