Prezıdent óz sózin eń aldymen jastarǵa, ıaǵnı bizge arnaı otyryp tutastaı memleketimizdiń aldynda turǵan mindetterge tereń taldaýlar jasady ári álemdik damý kóshinen qalyp qoımaýdyń basty formýlasyn usyndy. Meni Nursultan Nazarbaevtyń jastyq shaǵyndaǵy oı-sezimderin joǵaltpaǵany, dál jastarsha oılanyp-tolǵana alatyny tánti qyldy. Elbasynyń jastarǵa qatysty máselelerdi tereń túısine biletini tańǵaldyrmaı qoımaıdy. Biz – Qazaq eli terrıtorııamyz úlken bolǵanymen, halqymyz az memleketpiz. Osyndaı jaǵdaıda jas adamdardyń óz ýaqytynda otbasyn quryp, náresteli bolýynyń áleýmettik-demografııalyq baǵyttaǵy orny erekshe. Elbasynyń osy máselege qatysty pikirleri de zamandastarymyzǵa oı salǵany anyq.
Erikti bolý – ardyń, júrektiń isi ǵoı. Bul úshin olar bireýden aqy dámetpeıdi. Áıtse de Memleket basshysy óz tarapynan olarǵa qoldaý men yntalandyrý sharalary qajet ekenin aıtqany elimizde eriktiler qozǵalysynyń odan ári damýyna septigin tıgizedi degen oıdamyn.
Olga SESKO,
M.Ospanov atyndaǵy Batys Qazaqstan memlekettik medısına ýnıversıtetiniń áleýmettanýshy mamany
AQTО́BE