2017 jyly Búkilálemdik bank pen Bilim jáne ǵylym mınıstrliginiń qoldaýymen «Jas prodjekt» jobasy boıynsha 1 mıllıon teńge qaıtarymsyz nesıeni grant túrinde aldym. Ondaǵy basty josparym Túrkistan oblysynda aýyl sharýashylyǵy salasyn damytý, Qarataý eteginde agrarly kásippen aınalysý bolatyn.
Eń alǵash kásibimdi 4 buzaýly sıyr alyp, ony bordaqylaýdan bastadym. Keıinnen, kóbeıgen tól basyn naryqqa shyǵaryp, onyń ornyna shaǵyn qojalyǵymda jylqy túligin baılap, baqtym.
О́zderińiz bilesizder, Kentaý qalasynyń irgesindegi Qarataý jylqy ósirýge yńǵaıly meken. Alaıda, qazirgi tańda jaıylymdyq jerler tarylǵan. Búgingi tańda aýyl sharýashylyǵy baǵytynda keń óris qajet bolyp tur.
2019 jyldy Elbasymyz Jastar jyly dep jarııalady. Sondyqtan Prezıdentimizdiń qamqorlyǵymen kásibin jańa bastaǵan jastarǵa qoldaý kórsetilse jaqsy bolar edi. Memleket tarapynan prosenttik kórsetkishi tómen sýbsıdııa berilse, qora-qopsy salyp, Qambar ata túliginiń tólin kóbeıtsem degen oıym bar. Dál qazirgi tańda jeke qojalyǵymda 6-7 bas jylqy, on shaqty sıyr baǵyp otyrmyn.
Eger jeńildetilgen nesıe alǵan jaǵdaıda sút-et ónimderin shyǵaratyn shaǵyn kásiporyn ashyp, oblys turǵyndaryn jergilikti, tabıǵı ónimmen qamtamasyz etsem degen maqsat ta bar.
Jańǵaq sharýashylyǵy – tabys-
ty bıznestiń biri. Atamyz tek mal asyrap, dala kezgen degen pikirmen kelispeımin. Kerek kezinde jer emshegin de eme bilgen. Kentaý qalasynyń tamasha klımaty jańǵaq aǵashyn ósirýge óte qolaıly. Sondyqtan jergilikti ákimdik tarapynan jer telimi berilse, jańǵaq qalamshasyn otyrǵyzyp, osy bir jemistiń paıdasyn kórsem deımin.
Búginde kóptegen aýyl jastary memleket tarapynan aýyl sharýashylyǵy salasyna beriletin kómekten, bólinetin qarjydan beıhabar. О́z kásibim arqyly eki qolǵa bir kúrek izdegen jastarǵa úlgi bolsam, osynyń ózi men úshin úlken jetistik.
Nursultan ShALAEV,
fermer
Túrkistan oblysy,
Kentaý qalasy