Bul týraly oblys ákimi apparat májilisinde eskertti. Búginge deıin «7-20-25» baǵdarlamasy boıynsha bankterge 1 mlrd. 407 mln teńgeni quraıtyn 206 ótinish túsken, sonyń 119-y qanaǵattandyryldy.
Oblystyq qurylys, sáýlet jáne qala qurylysy basqarmasynyń basshysy Nurlan Qatarbekovtyń aıtýynsha, oblysta osy baǵdarlamamen jumys isteýge ekinshi deńgeıli 6 bank – «Bank Sentrkredıt», «Qazaqstan Halyq banki», «ATF Bank», «Forte bank», «Sesna bank», «Sberbank» AQ kiristi.
«О́tken jyldyń aıaǵyna qaraı bankterge 352 bıýdjettik páterler berilgen bolatyn. Onyń ishinde 118 páterdiń 103-in «Báıterek Development» AQ qoǵamy ózderi satty. Úsh páterdi «7-20-25» baǵdarlamasyna berdi, 12 páter áli satylǵan joq. Qostanaı qalasynyń ákimıaty bergen 99 páterdiń 25-ine satyp alý-satý kelisim sharty rásimdeldi, qosymsha 60 qujat azamattardyń tólem qabiletin anyqtaýǵa jiberildi. Turǵyndar tarapynan páterge suranys bar. Al Qostanaı aýdanynda baǵdarlama broıynsha 135 páter satyldy, onyń ishinde 29-yna suranys «Fortebank» arqyly qabyldandy» - dedi Nurlan Qatarbekov.
Degenmen oblys ákimi Arhımed Muhambetov ekinshi deńgeıli bankter taranynan turǵyn úı baǵdarlamasyna múddeliliktiń mardymsyz ekenin aıtty.
«Ekinshi deńgeıli bankterdiń barlyǵy birdeı turǵyn úı baǵdarlamasyna belsendi,sapaly qatysyp otyrǵan joq. Meniń turǵyndarmen kezdesýlerimde bankterdiń olardy qujattaryn kórsetýde árý-sarsańǵa salatyny kóp aıtylady. Bank menedjerleri ýaqytyly keńester bermeıdi. Adamdardyń da ýaqyty az ekenin olar oılaýy tıis, óıtkeni jumys kúnderi olar jumysta, demalys kúnderi bankter jumys istemeıdi. Bankter qyzyǵýshylyq, múddelilik tanytpaıdy. Jergilikti ákimıattar úılerdi salyp jatyr, der ýaqytynda tapsyrady, biraq ári qaraı jumys júrmeıdi. Bank fılıaldary usaq-túıek úshin bas basqarmalarymen uzaqty kún keńesedi. Jergilikti jerde olar iske jaýapkershilik alýyna bolady ǵoı? Baǵdarlamamen úılerdi áleýmettik az qorǵalǵan otbasylar, azamattar alady. Sondyqtan jergilikti fılıaldaryna bankter qandaı da bir ókilettikter berýine bolmaı ma?» - dedi Arhımed Begejanuly.
Sonymen qatar, óńir basshysy turǵyn úı baǵdarlamasynyń mehanızmi týraly turǵyndardyń jetkilikti aqparattandyrylmaǵanyn da aıtty. Ásirese, aýyldaǵy aǵaıyndardyń bul týraly biletini tym az. Ol aýyldaǵylar da baǵdarlamanyń belsendi qatysýshysy bolýy múmkin. Olar da qaladan úı alǵysy keletini, zeınet jasynda qalada turǵysy keletinin aıtty.
2019 jyly Qostanaıda «7-20-25» baǵdarlamasy boıynsha páterler byltyrǵydan da kóp satylatyn bolady. Mysaly bir «BK-Stroı» qurylys kompanııasynyń ózi jańa «Iýbıleınyı»turǵyn aýdanynda 252 páterdi «7-20-25» baǵdarldamasymen satýǵa shyǵaratyn bolady. Ekinshi deńgeıli bankter arqyly byltyrǵydan satylmaı qalǵany, bıylǵy tapsyrylatyny bar, barlyǵy 500-deı páter satylady.
Názıra JÁRIMBET,
«Egemen Qazaqstan»
Qostanaı