О́tken jyly «Nur Otan» partııasy Almaty oblystyq fılıalynyń Qoǵamdyq qabyldaý bólimine 5516 adam aryz-armanyn aıtyp kelgen eken. Ártúrli deńgeıdegi 2176 ótinish qanaǵattandyrylyp, ońynan sheshilipti.
Saraptamaǵa sáıkes, byltyr partııaǵa ótinishpen kelýshilerdiń denin áleýmettik jaǵynan az qamtylǵan adamdar legi qurap otyr. Negizinen jumysqa ornalastyrý, balalardy tegin ystyq tamaqpen qamtý, turǵyn úı jaıy, qystyq otyn máselesi sııaqty kúntártibindegi másellerdi sheshýge partııa ókilderi qolushyn berýge tyrysqan.
Mysalǵa, partııanyń oblystyq fılıalyna qabyldaýǵa jazylǵan Taldyqorǵan qalasynyń turǵyny, jalǵyzbasty ana Indıra Tursynbekova turmysynyń tómendigin, qaraýynda múmkindigi shekteýli balasy bar ekenin aıtqan bolatyn. Jas ananyń jaǵdaıyn tyńdaǵan oblystyq fılıal tóraǵasynyń birinshi orynbasary, oblystyq máslıhat depýtaty Ǵalıasqar Sarybaev múgedek balaǵa kómek qolyn sozyp, bilim alatyn mektebiniń basshylyǵyna habarlasty. Nátıjesinde balanyń tegin tamaqtaný máselesi sheshildi. Jalǵyzilikti anaǵa tıesili járdemaqy alýyna oraı oblystyq fılıal basshysy qalalyq jumyspen qamtý jáne áleýmettik baǵdarlamalar bóliminiń basshysy Gúljan Ospanovaǵa habarlasyp, mán-jaıdy anyqtap, járdemaqy alýyna da járdemdesti.
- Almaty oblystyq partııa fılıalynyń qoǵamdyq qabyldaý bólmesine kelip, máselemdi oń sheshtim. Partııalyqtar sózben ǵana emes, ispen de naqtylyqty dáleldeýde. Qudaıǵa shúkir, balam mektepten tamaqtanady, páterge kezekke qujattarymdy tapsyryp, úmitim úzilýge shaq qalǵanda taǵdyr oraıyn osylaı ózi keltirdi, - deıdi Indıra.
Qalmahanbet MUQAMETQALI,
«Egemen Qazaqstan»
Almaty oblysy