О́zbek geologtary Aral teńiziniń sýy tartylǵan bóliginde tushy sý bar ekenin anyqtady, - dep habarlaıdy ÝzA agenttigi.
Tushy sý Núkisten 400 shaqyrym jerde - Qaraqalpaqstan astanasynda 260-280 metr tereńdikte. Basylymnyń málimetinshe, tushy sýdyń emdik qasıetteri bar.
Artezıan qudyǵynyń ashylý sharasyna О́zbekstannyń birinshi vıse-premeri Achılbaı Ramatov pen О́zbekstannyń bas prokýrory Otabek Mýrodov qatysty. Aýdan ákimshiliginiń basshysy Saılaýbaı Danııarov tushy sýdyń mal sharýashylyǵyn damytýǵa, sondaı-aq, aýdandaǵy ekologııalyq jaǵdaıdy jaqsartýǵa septigin tıgizetinin aıtady.
Bıyl sol mańdaǵy aýdandarda osyǵan uqsas taǵy 40 bulaq kózin ashý josparlanyp otyr. Basylymnyń málimetinshe, О́zbekstan Ońtústik Araldyń sýy tartylǵan qalǵan jerlerin zertteýge arnalǵan baǵdarlama qabyldaǵan. Onda kórsetilgen sharalar 2021-2023 jyldar aralyǵynda júrgiziledi.