Iran munaıynan túsken aqshanyń bir bóligi Shveısarııa bankinde saqtalady. Bul týraly Shveısarııa men Irannyń birlesken saýda palatasynyń tóraǵasy Sharıf Nezam-Mafı «Fars» aqparattyq agenttigine habarlady.
Palata tóraǵasynyń aıtýynsha, Shveısarııanyń BSP banki eki el arasyndaǵy qarjylyq aqsha aýdarymyn júzege asyryp turady dep kútilýde. «Shveısarııa ázirge naqty qaı bank qyzmet etetinin aıtpady. Ol Heritage ne BSP banki bolýy múmkin» dedi Nezam-Mafı.
Palata tóraǵasynyń aıtýy boıynsha, kiristiń kóp bóligi Úndistan, Irak, Qytaı men Koreı Respýblıkasynan túsedi.
Esterińizge salsaq, Iranǵa qarsy sanksııa salynbas buryn BSP banki Iranǵa qyzmet kórsetken bolatyn.