Jastar oıyndary naýryz aıynyń sońyna deıin jalǵasady, dep habarlaıdy Astana qalasy ákimdiginiń resmı saıty.
Jarystyń resmı ashylý saltanaty Shymkent qalasynda ótti. Dúbirli dodada elimizdiń 11 óńirinen 90 sportshy sheberlik baıqasty. Elordalyqtar short-trek jarysynda alǵash ret úzdik nátıje kórsetip, respýblıkalyq jarysta jeńimpaz atandy.
Birinshi jarys kúniniń qorytyndysy boıynsha 1500 metr qashyqtyqta Sanjar Janısov «altyn» medalǵa qol sozsa, qyzdar arasynda osy dıstansııada Ińkár Nurlanova Astana qurama komandasynyń qorjynyna kúmis medal saldy.
Kelesi kúni 500 metr qashyqtyqqa konkımen júgirýde sportshylar, sáıkesinshe birinshi jáne úshinshi oryndarǵa ıe boldy. Al estafeta fınalynda qyzdar 4-orynǵa turaqtasa, uldar basty synǵa joldama aldy. «Short-trekten 1000 metr qashyqtyqqa júgirýde uldar arasynda Aıbek Nasen altyn, Sanjar Janısov kúmis júldege qol jetkizdi. 1500 metrlik dıstansııada sýperfınalda Sanjar Janısov pen Aıbek Nasen sáıkesinshe, altyn jáne kúmis medaldy enshiledi» dep málimdedi Mádenıet jáne sport basqarmasynda.
III Qazaqstan Respýblıkasynyń Qysqy jastar oıyndarynda sátti óner kórsetken astanalyq qurama komanda jalpy komandalyq esepte birinshi oryn aldy. Almaty qalasy ekinshi, Qostanaı oblysynyń sportshylary úshinshi orynǵa taban tiredi. Qazaqstan Respýblıkasynyń Qysqy jastar oıyndary – tórt jylda bir ret ótetin keshendi jarys.